ព័ត៌មាន​ថ្មី
សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ «ភ្នំពេញថ្មី»​

ថៃ​រកឃើញ​អ្នក​ឆ្លង​កូ​រ៉ូ​ណា​៣​ករណី​ទៀត ធ្វើ​ឲ្យ​តួលេខ​សរុប​កើន​ដល់​៤០​ករណី​

​បាងកក ៖ មន្ត្រី​ក្រសួងសុខាភិបាល​ថៃ​បាន​និយាយថា​មាន​ករណី​ឆ្លង​វីរុស​កូ​រ៉ូ​ណា COVID-19 ចំនួន​៣​ករណី​បន្ថែមទៀត​នៅ​ថ្ងៃ​ពុធ​(២៦​កុម្ភៈ​)​នេះ ដែល​ធ្វើ​ឲ្យ​តួលេខ សរុប​នៅ​ទូទាំងប្រទេស​ថៃ​កើន​ដល់​៤០ ករណី​។​នេះ​បើ​យោងតាម​ប្រភពពី CNA​។​

​លេខាធិការ​អចិន្ត្រៃយ៍​នៃ​ក្រសួងសុខាភិបាល​លោក Sukhum Kanchanapimai បាន​និយាយថា​អ្នក​ឆ្លង​ថ្មី​ចំនួន ២​នាក់​ជា​ជនជាតិ​ថៃ ដែល​បាន​ត្រឡប់​ពី​ការ​ដើម​កម្សាន្ត​នៅ​កោះ Hokkaido របស់​ជប៉ុន ហើយ​ពួកគេ​ទាំងពីរ​នាក់​បាន​ចម្លង​វា​ទៅកាន់​អ្នក​ទី ២​។​

​ថៃ​គឺជា​ប្រទេស​ដំបូង​គេ​បង្អស់​ដែលមាន​អ្នក​ឆ្លង​វីរុស​មរណៈ​ខាងលើ ក្រៅពី​ប្រទេស​ចិន នៅ​ថ្ងៃទី ១៣ ខែមករា​។ នៅ​ចុងខែ​មករា ប្រទេស​នេះ​បាន​ក្លាយជា​ប្រទេស​ទី ២ ដែលមាន​អ្នក​ឆ្លង​ច្រើន​បំផុត បន្ទាប់ពី​ចិន ប៉ុន្តែ​ករណី​ឆ្លង​ថ្មី​បាន​ចុះ​ជា​បន្តបន្ទាប់​។​

​យ៉ាងណាមិញ​គ្មាន​នរណាម្នាក់​នៅ​ប្រទេស​ថៃ​បាន​ស្លាប់​ដោយសារ​វីរុស​នេះ​ទេ​។ កាលពី​ថ្ងៃ​ច័ន្ទ​អាជ្ញាធរ​ថៃ​បានចាត់ទុក​វីរុស​កូ​រ៉ូ​ណា ជា​ជំងឺឆ្លង​ដែល​គ្រោះថ្នាក់ និង​បានអនុញ្ញាត​ឲ្យ​បុគ្គលិក​ពេទ្យ និង​ប៉ូលិស​ធ្វើ​ការដាក់​ពលរដ្ឋ​ទាំងឡាយណា ដែលមាន​រោគសញ្ញា ឬ​អ្នក​ដែល​ទើប​ត្រឡប់​មកពី​តំបន់​ប្រឈម នៅ​ដាច់ដោយឡែក​បាន​។​

​អាជ្ញាធរ​ថៃបានបញ្ជាក់ កាលពី​ថ្ងៃ​អង្គា​រថា​អ្នកជំងឺ​សរុប​ចំនួន​២២ នាក់​ត្រូវបាន​អនុញ្ញាតិ​ឲ្យ​ចេញពី​មន្ទីរពេទ្យ​នៅ​ប្រទេស​ថៃ​និង​១៥ នាក់​ទៀត​កំពុង​ត្រូវបាន​ព្យាបាល​៕

Filed in: អន្តរជាតិ

Recent Posts

Bookmark and Promote!


cen130 dap130 koh130 kampucheathmey130 nokorwat130 sbn130 sabay130