ព័ត៌មាន​ថ្មី
សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ «ភ្នំពេញថ្មី»​

ក្រុម​ឈ្មួញ​ដុះ​ស្លែ​ចាប់ផ្តើម​ដឹកជញ្ជូន​ឈើ​ឡើងវិញ​ហើយ តាម​ច្រក​ដាក់​ដាំ​និង​ច្រករបៀង​ផ្សេងៗ​ទៀតក្នុងខេត្តមណ្ឌលគិរី

​ខេត្តមណ្ឌលគិរី ៖ ក្រោយពី​គណៈ កម្មាធិការ​ថ្នាក់ជាតិ ដើម្បី​ទប់ស្កាត់​និង​បង្ក្រាប​បទល្មើស ធនធានធម្មជាតិ​ប្រតិបត្តិ​ការបង្ក្រាប​បទល្មើស​ព្រៃឈើ​នៅ ក្នុង​ខេត្តមណ្ឌលគិរី​កន្លងទៅ​នេះ​បាន​ចាប់ខ្លួន លោក សឹង សំអុល មេ​ឈ្មួញ​រកស៊ី​ឈើ​និង បក្ខពួក​៣​នាក់​ផ្សេងទៀត​មិនទាន់បាន​មួយ​ដង្ហើមចង្រិត​ផង​។ ឥឡូវនេះ​ក្រុម​ឈ្មួញ​ដុះ​ស្លែ​បានចាប់ផ្តើម​ដឹកជញ្ជូន​ឈើ​យ៉ាងសកម្ម​ឡើងវិញ​ចេញទៅ​វៀតណាម​តាម​ច្រក​ដាក់​ដាំ​និង​ច្រករបៀង​ផ្សេងៗ ទៀត​ក្នុង​ខេត្តមណ្ឌលគិរី ។​

​បើតាម ប្រភព ពី ស្រុក អូររាំង បាន​ឲ្យ​ដឹងថា នាយ ប៉ុស្តិ៍ នគរបាល អន្តោប្រវេសន៍ ច្រក​ដាក់ ដាំ​លោក យូ សុធា ជា អ្នក មាន សិទ្ធ ធំជាងគេ ក្នុងការ បើក បា រ៉ា ស់ ឲ្យ ឈ្មួញ ដឹក ជញ្ជូន ឈើ ចេញ ទៅ ប្រទេស វៀតណាម ដោយ យ៉ាង​រលូន ខណដែល​ក្រុម​ឈ្មួញ​ឈើ​ទាំងនោះ ត្រូវបាន គេ ស្គាល់ ឈ្មោះ ម៉ាប់ ឈ្មោះ តា ឌី និង ឈ្មោះ ឃុន ជាដើម ។ ល ។​

​គេ អះអាង ថា ព្រៃឈើ ដែល នៅ សេសសល់ ក្នុងស្រុក កែវ សីមា ស្រុក កោះ ញែក ស្រុក ពេ​ជ្រា ដា និង ស្រុក អូររាំង បន្ទាប់ ពី ឈើ ប្រភេទ ក្រញូង នាងនួន បេង និង ឈើ ធ្នុង រង នូវ ការវិនាស ស្ទើរតែ ផុត ពូជ ទៅហើយនោះ ឈ្មួញ ក៏ ចាប់ផ្ដើម បន្ត សម្រុក កាប់ ឈើ ប្រភេទ ក កោះ សុ ក្រំ ជាពិសេស ឈើ ស្រឡៅ កំពុងដំណើរការ កាប់ ធ្វើ អាជីវកម្ម យ៉ាង គគ្រឹកគគ្រេង តែម្តង​។

​ប្រជាពលរដ្ឋ​បាន​លើកឡើងថា ប្រសិនបើ​លោក ស្វាយ សំ អ៊ាង អភិបាល នៃ គណៈ អភិបាលខេត្ត មណ្ឌលគិរី បើ មិន មាន វិធានការ បង្ក្រាប ទាន់ ពេលវេលា នោះ ទេ ព្រៃឈើ​ប្រឈម​ទៅនឹង​ការវិនាស​ចៀស​មិន​ផុត​នោះឡើយ ។​

​តាម​ប្រភព​ផ្សេងទៀត​ក៏បាន​ឲ្យ​ដឹង​ដូចគ្នា​ដែរ​ថា សព្វថ្ងៃនេះ មាន ឈ្មួញ ធំៗ នៅតែ បន្ត កាប់ និង អារឈើ ដឹកជញ្ជូន ឈើ ចេញ ពី ព្រៃ តំបន់ អភិរក្ស ជីវៈចម្រុះ កែវ សីមា ចូល ទៅ ស្រុក ស្នួល ខេត្ត ក្រចេះ និង ចេញ ទៅ លក់ នៅ ប្រទេស វៀតណាម តាម ច្រក ទ្វេភាគី ឡា ប៉ា ខេ យ៉ាង ពេញបន្ទុក ផងដែរ ។​

​ដោយឡែក ប្រភព ពី មន្ត្រី ពាក់ព័ន្ធ នៅ ច្រក ទ្វេភាគី ឡា ប៉ា ខេ ក្នុងស្រុក កែវ សីមា ឯណោះ វិញ បាន​ឲ្យ​ដឹងថា រយៈពេល ប្រមាណ ២ សប្តាហ៍ កន្លងទៅ នេះ មាន ក្រុម ឈ្មួញ បាន សម្រុក ដឹកជញ្ជូន ឈើ ឆ្លងដែន ទៅ លក់​នៅ ប្រទេស វៀតណាម តាម ច្រក ទ្វេភាគី ឡា ប៉ា ខេ នោះ ពិតប្រាកដ មែន ។

​មន្ត្រី​ដដែល​បញ្ជាក់ថា នៅ ចន្លោះ ថ្ងៃ ទី​១៧ ដល់ ថ្ងៃ ទី ២១ ខែ សីហា កន្លង ទៅ ថ្មីៗ នេះ មិន ធម្មតា ទេ ឈ្មួញ ជាច្រើន នាក់ បាន សម្រុក ដឹកជញ្ជូន ឈើ តាម រថយន្ត កែឆ្នៃ ចេញ តាម ច្រក ទ្វេភាគី ឡា ប៉ា ខេ យ៉ាង ពេញបន្ទុក លក់ ឆ្លងដែន ទៅ ប្រទេស វៀតណាម ។ ជាពិសេស ដឹក ចេញ នៅពេល យប់ៗ តែម្ដង ។

​បើ ដូច ប្រភព ខាងលើ នេះ មែន សំណូមពរ​ដល់​ឯកឧត្តម​នាយ​ឧ​ត្ត​ម​សេនីយ៍​សៅ​សុខា​អ គ្គ មេបញ្ជាការរង កង យុទ្ធ ពល ខេមរៈភូមិន្ទ និង ជា មេបញ្ជាការ កង រាជ អាវុធ ហ ត្ត លើ ផ្ទៃ ប្រទេស និង ជា ប្រធាន គណៈកម្មាធិការ ទប់ស្កាត់ និង បង្ក្រាប បទល្មើស ធនធាន ធម្មជាតិ មេត្តា បញ្ជូន ក្រុមអធិការកិច្ច ចុះមក ស្រាវជ្រាវ និង ពិនិត្យ ការដឹកជញ្ជូន ឈើ តាម ច្រក សំខាន់ៗ ផង ដើម្បី ទប់ស្កាត់ ឲ្យ​ទាន់ពេលវេលា ។

​ពាក់ព័ន្ធ និង ការលើកឡើង របស់ ប្រជាពលរដ្ឋ ខាងលើ នេះ ភ្នំពេញ​ថ្មី​មិនទាន់​អាចទាក់ទង​សុំ​ការបកស្រាយ​និង​ការពន្យល់​ពី​លោក អ៊ុ វណ្ណ សុភ័ក្ត្រ​នាយ ខណ្ឌ រ​ដ្ធ​បាល ព្រៃឈើ ខេត្ត មណ្ឌលគិរី និង មន្ត្រី​អាជ្ញាធរ​ជាប់​ពាក់ព័ន្ធ តាម ច្រក ខាង លើ​នេះ​បានទេ ដោយ​គ្មាន​លេខ​ទូរស័ព្ទ​ទំនាក់ទំនង​បាន ។ ប៉ុន្តែ​ភ្នំពេញ​ថ្មី​នឹងរង​ចាំ​ទទួល​ការបកស្រាយ ឬក៏​ការបំភ្លឺ​ពី​មន្ត្រី​ទាំងអស់នោះ​គ្រប់ពេលវេលា ប្រសិនបើ​មាន ៕

 

 

Filed in: ឃើញម៉េច ថាអញ្ចឹង, ព័ត៌មាន​ជាតិ, សន្តិសុខ-សង្គម

Recent Posts

Bookmark and Promote!


cen130 dap130 koh130 kampucheathmey130 nokorwat130 sbn130 sabay130