ព័ត៌មាន​ថ្មី
សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ «ភ្នំពេញថ្មី»​

លោកស្រី ឱ វណ្ណឌីន កោតសរសើរខេត្តប៉ៃលិនក្នុងការគ្រប់គ្រង ទប់ស្កាត់ជំងឺកូវិដ១៩

ខេត្តប៉ៃលិន ៖ អ្នកនាំពាក្យក្រសួង សុខាភិបាល លោកស្រី ឱ វណ្ណឌីន បានថ្លែងកោតសរសើរខេត្តប៉ៃលិន ក្នុងការគ្រប់គ្រង និងទប់ស្កាត់ ជំងឺកូវីដ-១៩ បានល្អ ខណមកដល់ពេលនេះ ពុំមានការឆ្លងបន្តនោះឡើយ ។

អ្នកនាំពាក្យបានថ្លែងដូច្នេះក្នុងឱកាសជួបប្រជុំពិភាក្សាការងារជាមួយរដ្ឋបាលថ្នាក់ក្រោមជាតិ ជាពិសេសណែនាំដល់អាជ្ញាធរ ខេត្តប៉ៃលិន និងមន្ត្រីនៃមន្ទីរសុខាភិបាល ឱ្យយកចិត្តទុកដាក់​ខ្ពស់​ ក្នុងការធ្វើចត្តាឡីស័ក ដល់​ប្រជាពលរដ្ឋ​ខ្មែរ ដែល​​ទើបនឹងត្រឡប់​មកពី​ប្រទេស​ថៃ​ ។ កិច្ចប្រជុំនោះត្រូវបានរៀបចំធ្វើឡើងកាលពីថ្ងៃទី១២ ខែមករា ឆ្នាំ២០២១ នៅខេត្តប៉ៃលិន ។

លោកស្រី ឱ វណ្ណឌីន នាឱកាសនោះក៏បាន​ថ្លែងអំណរ​គុណ ចំពោះអាជ្ញាធរខេត្តប៉ៃលិន ដែល​បាន​យកចិត្តទុកដាក់​ខ្ពស់​ ក្នុងការទប់ស្កាត់ជំងឺកូវីដ-១៩​ ដែល​រហូតមកដល់​ថ្ងៃនេះ ក្នុង​ខេត្ត​ទាំងមូល មិនទាន់មាន​ន​រណា​ម្នាក់​ ឆ្លងជំងឺកូវីដ-១៩ បន្ត​ទៀត​នោះឡើយ​ ហើយ​ក៏​មិនទាន់​មានការបារម្ភខ្លាំងដែរ តែត្រូវ​គិត​ទៅមុខទៀត ពីព្រោះ​លទ្ធភាព​នៃ​ការចម្លង គឺ​តែង​តែមាន ​ពិសេស​​អ្នកដំណើរ​​មកពី​ប្រទេសក្រៅ​ ។

លោកស្រី​ក៏បាន​សំណូមពរ​ដល់​លោកជំទាវអភិបាលខេត្ត ឲ្យ​ពង្រឹង​ការ​ធ្វើ​ច​ត្តា​ឡី​ស័ក ហើយ​​ការ​ធ្វើ​ច​ត្តា​ឡី​ស័ក​ គឺមាន​សារៈសំខាន់​ណាស់ ជាពិសេស​ត្រូវ​ទប់ស្កាត់​ឲ្យ​បានចំពោះ​ការរីក​រាលដាល់​ជំងឺ​កូ​វីដ​-១៩ ក្នុងនោះ ​ត្រូវ​អនុវត្តន៍​នូវ​ការរុករក​អ្នក​ប៉ះពាល់ និង​អ្នក​ដែល​សង្ស័យ​ថាមាន​ជំងឺ​កូ​វីដ១៩ ឲ្យ​មក​ធ្វើ​ច​ត្តា​ឡី​ស័ក គ្រប់ ១៤ថ្ងៃផងដែរ​ ៕

 

 

Filed in: ព័ត៌មាន​ជាតិ, សន្តិសុខ-សង្គម

Recent Posts

Bookmark and Promote!


cen130 dap130 koh130 kampucheathmey130 nokorwat130 sbn130 sabay130