ព័ត៌មាន​ថ្មី
សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ «ភ្នំពេញថ្មី»​

ខេត្តស្វាយរៀងកាត់កម្ទេចចោលស្លាកលេខយានយន្តចាស់ៗ ចំនួន១៣៥៨

ខេត្តស្វាយរៀង ៖ លោក ​ព្រំ ផូ ប្រធាន​ការិយាល័យ​ដឹក​ជញ្ជូន ​នៃ​មន្ទីរ​សាធារណការ និង​ដឹក​ជញ្ជូន​ ខេត្តស្វាយរៀងកាលពី ម្សិលមិញ បានថ្លែងឲ្យដឹងថា ស្លាក​លេខ​យានយន្ត​ចាស់​ៗ ដែល​ប្រជាពលរដ្ឋ​បាន​ស្នើ​សុំ​ធ្វើការ​ផ្ទេរកម្មសិទ្ធិ​រថយន្ត​តាម​បែបបទ​ច្បាប់​ចំនួន ១៣៥៨​ស្លាក ត្រូវ​បាន​កាត់​កម្ទេច​ចោល ។

លោកថា ការ​កម្ទេច​ស្លាក​លេខ​ចាស់​ៗ​នេះ​បាន​ធ្វើ​ឡើង នៅ​ក្នុង​បរិវេណ​មន្ទីរ​សាធារណការ និង​ដឹក​ជញ្ជូន​ខេត្តស្វាយរៀង ដែល​មានការ​ចូលរួម​ពី​លោក នួន លី​ហួ​ន ប្រធាន​មន្ទីរ និង​លោក​អនុប្រធាន​មន្ទីរ លោក​ប្រធាន​ការិយាល័យ និង​មន្ត្រី​ដែល​ពាក់ព័ន្ធ​ក្នុង​ការ​ទទួលខុសត្រូវ ជា​ច្រើន​រូប​ទៀត​ ។

លោក​ ព្រំ ផូ បានបញ្ជាក់ទៀតថា មន្ទីរ​សាធារណការ និង​ដឹក​ជញ្ជូន​ខេត្តស្វាយរៀង​បាន​ធ្វើការ​កាត់​កម្ទេច​ផ្លា​ក​លេខ​ចាស់​ៗ ដែល​បន្សល់​ពី​ការ​ស្នើ​សុំ​របស់​ប្រជាពលរដ្ឋ​បាន​ធ្វើការ​ផ្ទេរ​កម្ម​សិទ្ធ តាម​បែបបទ​ច្បាប់​ត្រឹមត្រូវ និង​រួចរាល់​ជា​ស្ថាពរ​ចាប់តាំងពី​ទទួល​បាន​សេចក្តីណែនាំ​របស់​ក្រសួង​សាធារណការ និង​ដឹក​ជញ្ជូន​ស្តី​ពី​ការ​ផ្ទេរកម្មសិទ្ធិ​យានយន្ត​ដែល​រក​ម្ចាស់​ដើម​មិនឃើញ​បាន​ចេញ​សេចក្តី​ប្រកាស នា​ថ្ងៃ​ទី​១២ ខែមីនា ឆ្នាំ​២០២០ កន្លង​មក ។

លោក ព្រំ ផូ បន្ត​ថា សព្វ​ថ្ងៃនេះ​ប្រជាពលរដ្ឋ​ដែល​មាន​រថយន្ត​មិន​ទាន់​ផ្ទេរកម្មសិទ្ធិ គឺ​នៅ​តែ​បន្ត​មក​ធ្វើ​ជា​រៀងរាល់ថ្ងៃ នៅ​មន្ទីរ​សាធារណការ​ខេត្តស្វាយរៀង ហើយ​មន្ត្រី​ជំនាញ យើង​បាន​ខិតខំ​សម្រួល ឯកសារ​នានា ដើម្បី​មាន​ភាព​ងាយស្រួល ក្នុង​ការ​ផ្ទេរកម្មសិទ្ធិ​នេះ​ផង​ដែរ ៕

 

 

Filed in: ព័ត៌មាន​ជាតិ, សន្តិសុខ-សង្គម

Recent Posts

Bookmark and Promote!


cen130 dap130 koh130 kampucheathmey130 nokorwat130 sbn130 sabay130