ព័ត៌មាន​ថ្មី
សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ «ភ្នំពេញថ្មី»​

YouTube សម្រេច​ផ្អាក​ឆា​នែ​ល​របស់លោក Trump មួយ​សប្តាហ៍​

​អាមេរិក ៖ គណនី​របស់លោក Trump ត្រូវបាន​ហាមឃាត់​នៅលើ​បណ្តាញ​សង្គម​ជាច្រើន​ដូចជា Twitter និង Facebook បន្ទាប់ពី​កុបកម្ម​លើ​វិមាន​កា​ពី​តូ​ល​កាលពី​ថ្ងៃទី​៦ ខែមករា ខណៈដែល​ប្រព័ន្ធ​ផ្សព្វផ្សាយ​សង្គម​ទាំង​នោះបាន​ចោទប្រកាន់​ប្រធានាធិបតី​អាមេរិក​រូបនេះ​ពីបទ​ញុះញង់​ឱ្យមាន​អំពើហិង្សា​។​

​ចំណែក​ក្រុមហ៊ុន YouTube ក៏​កំពុង​ផ្អាក​ឆា​នែ​ល​របស់​ប្រធានាធិបតី Donald Trump យ៉ាងហោចណាស់​មួយ​សប្តាហ៍​ដោយសារតែ​ក្រុមហ៊ុន​ទទួលបាន​ការព្រមាន បន្ទាប់ពី​ការ​បង្ហោះ​វីដេអូ​ដែល​បង្ហាញ​ពី​ការ​ញុះញង់​ឲ្យ​មាន​អំពើហិង្សា ។​

​អ្នកនាំពាក្យ​របស់​ក្រុមហ៊ុន YouTube បាន​និយាយ​នៅក្នុង​សេចក្តីថ្លែងការណ៍​មួយ​ថា​”​បន្ទាប់ពី​ការពិនិត្យ​ឡើងវិញ​យ៉ាង​ប្រុងប្រយ័ត្ន​ហើយដោយ​មានការ​ព្រួយបារម្ភ​អំពី​អំពើ​សក្តានុពល​នៃ​អំពើហិង្សា​ដែល​កំពុង​កើតមាន យើង​បាន​លុបចោល​មាតិកា​ថ្មី​ដែល​ត្រូវបាន​ដាក់ចូល​ទៅក្នុង​ឆា​នែ​ល Donald J. Trump ដោយសារ​វា​បាន​រំលោភ​គោលនយោបាយ​របស់​យើង​ចំពោះ​ការ​ញុះញង់​ឲ្យ​មាន​អំពើហិង្សា ។ “​ជា​លទ្ធផល​យោងទៅតាម​ប្រព័ន្ធ​ការរំលោភបំពាន​របស់​យើង ឥឡូវ​ឆា​នែ​ល​របស់លោក Trump ត្រូវបាន​រារាំង​មិន​ឲ្យ​ដាក់បញ្ចូល​វីដេអូ​ថ្មី ឬ​ការផ្សាយ​ផ្ទាល់​ក្នុង​រយៈពេល​យ៉ាងតិច ៧ ថ្ងៃ ឬ​អាច​លើស​នេះ​” ។​

​ការសម្រេចចិត្ត​នឹងត្រូវ​ពិនិត្យឡើងវិញ​ក្នុង​មួយ​សប្តាហ៍​។​ទោះជា​យ៉ាងណាក៏ដោយ​ប្រសិនបើ​ឆា​នែ​ល​របស់ Trump ទទួលបាន​ការ​រណ​លោភ​បំពាន​មួយទៀត​វា​នឹងត្រូវ​ផ្អាក​រយៈពេល​២ សប្តាហ៍​ហើយ​ការបំពាន​ជា​លើក​ទី​៣​នឹង​បណ្តាលឱ្យមាន​ការបិទ ជា​អចិន្ត្រៃយ៍​។​

​បំរាម​លើ​ប្រធានាធិបតី​និង​ការលុបចោល​ទ្រង់ទ្រាយ​ធំ​នៃ​បណ្តាញ​សង្គម​កើតឡើង​បន្ទាប់ពី​កុបកម្ម​លើ​វិមាន​កា​ពី​តូ​ល​នៅ​ទីក្រុង​វ៉ាស៊ីនតោន​ឌី​ស៊ី​កាលពី​សប្តាហ៍​មុន​។ អ្នកគាំទ្រ​របស់លោក Trump បាន​ប្រមូលផ្តុំ​គ្នា​តវ៉ា​ប្រឆាំងនឹង​ការបញ្ជាក់​លទ្ធផល​នៃ​ការបោះឆ្នោត​ប្រធានាធិបតី​ឆ្នាំ​២០២០ ដោយ​បញ្ជាក់​ពួកគេ​ត្រូវបាន​លួច​បន្លំ​សន្លឹកឆ្នោត ខណៈដែល​ភាពចលាចល​ដោយ​អំពើហិង្សា​នោះបាន​បណ្តាល​ឲ្យ​មាន​មនុស្ស​ស្លាប់ ៥ នាក់​

​នៅ​ព្រឹក​នេះ​សភាតំណាងរាស្ត្រ​មក​ប្រជាធិបតេយ្យ​បានអនុម័ត​នូវ​ដំណោះស្រាយ​មួយ​ដែល​ជំរុញ​ឱ្យ​អនុ​ប្រធានាធិបតី​សហ រដ្ឋអាមេរិក​លោក Mike Pence កោះហៅ​ជាបន្ទាន់​ដើម្បី​ធ្វើ​វិសោធនកម្ម​លើក​ទី​២៥ និង​ដក​លោក Trump ចេញពី​តំណែង​៕

Filed in: Uncategorized

Recent Posts

Bookmark and Promote!


cen130 dap130 koh130 kampucheathmey130 nokorwat130 sbn130 sabay130