ព័ត៌មាន​ថ្មី
សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ «ភ្នំពេញថ្មី»​

រថយន្ត​ឡុ​ច​ស៊ី​ស RX.300​ បុក​គោយន្ត​កន្ត្រៃ​ពេញទំហឹង​របួសធ្ងន់​ស្រាល​៦​នាក់​

ខេត្តបន្ទាយមានជ័យ ៖ រថយន្ត​ឡុ​ច​ស៊ី​ស RX.300 បុក​និង​គោយន្ត​កន្ត្រៃ ពេញទំហឹង​បណ្តាល​ឲ្យ​របួសធ្ងន់ ស្រាល​ចំនួន​៦​នាក់ នៅវេលា​ម៉ោង​៧​និង​២០​នាទី​យប់​ថ្ងៃទី​១២ ខែមករា ឆ្នាំ​២០២១ នៅលើ​កំណាត់​ផ្លូវជាតិ​លេខ​៥៦A ស្ថិត​ចំណុច​ផ្លូវ​ប្រសព្វ​មុខ​ក្លោងទ្វារវត្ត​ម្កាក់ ក្នុងភូមិ​ដូន​ឡី សង្កាត់​ម្កាក់ ក្រុង​សិរីសោភ័ណ ខេត្តបន្ទាយមានជ័យ ។​

​លោក​វរសេនីយ៍ទោ សួន នី​ប៉ូ នាយរង​ការិយាល័យ​នគរបាល​ចរាចរណ៍​ជើងគោក​ខេត្ត បាន​ឲ្យ​ដឹងថា​មុនពេល​កើតហេតុ​នោះ​មាន​រថយន្ត​ម៉ាក​ឡុ​ច​ស៊ី​ស RX.300 ពណ៌​ស ពាក់​ស្លាក​លេខ​ភ្នំពេញ 2U.0799 អ្នកបើក​មិនត្រូវ​បាន​គេ​ស្គាល់​អត្តសញ្ញាណ រត់គេចខ្លួន​បាត់​ជិះ​តាមផ្លូវ​ជាតិ​ពី​ខាងជើង​ទៅ​ត្បូង​ក្នុង​ល្បឿន​លឿន​លុះ​បើក​មកដល់​ចំណុចកើតហេតុ​ជា​ចំណុច​ផ្លូវ​ប្រសព្វ មុខ​ក្លោងទ្វារ​ចូល​វត្ត​ម្កាក់​ស្រាប់តែ​បាន​បើក​ប្តូរ​គន្លង​បត់​ឆ្វេង​ដោយ​ខ្វះ​ការប្រុងប្រយ័ត្ន បណ្តាល​ឲ្យ​រថយន្ត​ជាន់​ហ្វ្រាំង​មិនទាន់​ទៅបុក​គោយន្ត កន្ត្រៃ​ពេញទំហឹង​បណ្តាល​ឲ្យ​មនុស្ស​ជិះ​ក្នុង​គោយន្ត​ទាំង​អ្នកបើក​និង​អ្នករួមដំណើរ​៦​នាក់ ក្នុងនោះ​របួសធ្ងន់​៣​នាក់ ស្រី​១​នាក់ និង​របួសស្រាល​៣​នាក់​ត្រូវបាន​នគរបាល​ដឹក​បញ្ជូនទៅ​សង្គ្រោះ​នៅ​មណ្ឌល​សុខភាព​ម្កាក់​ភ្លាមៗ​ផងដែរ​។​

​ក្រោយពី​កើតហេតុ​ហើយ​រថយន្ត​និង​គោយន្ត​កន្ត្រៃ​ត្រូវ​នគរបាល​យកមករ​ក្សា​ទុក​នៅ​អធិការដ្ឋាន នគរបាល​ក្រុង​សិរីសោភ័ណ រងចាំ​ធ្វើការ​ដោះស្រាយ​នៅពេល​ក្រោយ ៕

Filed in: ព័ត៌មាន​ជាតិ, សន្តិសុខ-សង្គម

Recent Posts

Bookmark and Promote!


cen130 dap130 koh130 kampucheathmey130 nokorwat130 sbn130 sabay130