ព័ត៌មាន​ថ្មី
សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ «ភ្នំពេញថ្មី»​

ការជំនុំជម្រះ​ចោទប្រកាន់​លោក Trump គ្រោង​នឹង​ចាប់ផ្តើម​នៅ​សប្តាហ៍​ក្រោយ​

​អាមេរិក ៖ ក្រុម​អ្នកប្រជាធិបតេយ្យ​បាន​និយាយថា ការជំនុំជម្រះ​ចោទប្រកាន់​លោក Donald Trump ពាក់ព័ន្ធ​តួនាទី​របស់លោក​នៅក្នុង​កុបកម្ម​ដ៏​សាហាវ​នៅ​វិមាន​កា​ពី​តូ​ល​សហរដ្ឋអាមេរិក កាលពី​ថ្ងៃទី​៦​ខែមករា គ្រោង​នឹង​ចាប់ផ្តើម​នៅ​សប្តាហ៍​ក្រោយនេះ​។​នេះ​បើ​យោងតាម​ប្រភព​ពីសា​រថ​ព័ត៌មាន BBC​។​

​នៅ​ថ្ងៃ​ចន្ទ សភាតំណាងរាស្ត្រ​នឹង​បញ្ជូន​ការចោទប្រកាន់​ទៅ​ព្រឹទ្ធសភា ដោយ​ចាប់ផ្តើម​ដំណើរការ​ជំនុំជម្រះ​នៅក្នុង​អង្គជំនុំជម្រះ​ដែលមាន​សមាជិក​១០០​នាក់​។ ក្រុម​អ្នក​សាធារណរដ្ឋ​ចង់​ឲ្យ​មានការ​ពន្យា​ពេល ដើម្បី​អនុញ្ញាត​ឲ្យ​អតីត​ប្រធានាធិបតី​រូបនេះ​មាន​ពេលវេលា​កាន់តែច្រើន​ដើម្បី​ត្រៀមខ្លួន​។​

ការជំនុំជម្រះ​ចោទប្រកាន់​លោក Trump នឹង​ក្លាយជា​រឿង​តែមួយគត់​មិន​ធ្លាប់មាន ដែល​បាន​កើតឡើង​បន្ទាប់ពី​ប្រធានាធិបតី​មួយរូប ចាក​ចេញពី​តំណែង​។ សភាតំណាងរាស្ត្រ​កាលពី​សប្តាហ៍​មុន បាន​ចោទប្រកាន់​លោក Trump ពីបទ​ញុះញង់​ឲ្យ​មាន​អំពើហិង្សា​នៅ​វិមាន​កា​ពី​តូ​ល​។ ប្រសិនបើ​ត្រូវបាន​ផ្តន្ទាទោស​មែន​នោះ លោក​អាច​ត្រូវបាន​រារាំង​ពី​ការ​កាន់តំណែង​ជា​ប្រធានាធិបតី​នាពេល​អនាគត​។​

​អាណត្តិ​របស់លោក​បាន​បញ្ចប់​កាលពី​ថ្ងៃ​ពុធ ហើយ​លោក​បាន​ចាក​ចេញពី​ទីក្រុង​វ៉ាស៊ីនតោន​ភ្លាមៗ​ដោយ​មិន​ចូលរួម​ក្នុង​ពិធី​ស្បថ​ឡើងកាន់​អំណាច​រប​ស​អ្នក​ស្នង​តំណែង​គឺ​លោក Joe Biden ទេ​៕

Filed in: អន្តរជាតិ

Recent Posts

Bookmark and Promote!


cen130 dap130 koh130 kampucheathmey130 nokorwat130 sbn130 sabay130