ព័ត៌មាន​ថ្មី
សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ «ភ្នំពេញថ្មី»​

Spurs កំណត់​គោលដៅ​អ្នក​ស្នង​តំណែង Mourinho រួចស្រេច​ហើយ​

​កីឡា ៖ ក្លិប​បាល់ទាត់​មាន់​ខ្នាយ​មាស Tottenham Hotspur នឹង​យក​លោក Julian Nagelsmann មក​ជំនួស​កន្លែង​លោក Jose Mourinho ប្រសិនបើ​អ្នកចាត់ការ​សញ្ជាតិ​ព័រ​ទុយ​ហ្គា​ល់​មិនអាច​ស្រោចស្រង់​ក្រុម​ឲ្យ​ងើបឡើង​វិញ​។​

​បច្ចុប្បន្ន​លោក Jose Mourinho ហាក់​កំពុង​ទទួលរង​សម្ពាធ​យ៉ាងខ្លាំង បន្ទាប់ពី​បាន​ដឹកនាំ​ក្រុម Spurs ចាញ់ ៥ ប្រកួត ក្នុងចំណោម ៦ ប្រកួត​លើ ក​ចុងក្រោយ ខណ​:​វា​ត្រូវបាន​គេ​រាយការណ៍​ថា​ទៀតថា​បុរស​សញ្ជាតិ​ព័រ​ទុយ​ហ្គា​ល់​រូបនេះ នឹងត្រូវ​ទុកពេល​រយ​:​ពេល ១២ ថ្ងៃ​ទៀត ដើម្បី​ស្រោចស្រង់​ស្ថានការណ៍​របស់​ក្រុម មុនពេល​ត្រូវ​សម្រេច​ថា​អនាគត​របស់គាត់​នៅតែមាន​ទៀត​ឬ​អត់ នៅ​រដូវ​កាល​ក្រោយ ។​

​របាយការណ៍​ចុងក្រោយ​មួយ​បាន​បង្ហាញថា​ពេលនេះ ក្រុម Tottenham កំំ​ពុង​តែ​ដាក់​គោលដៅ​ទៅលើ​លោក Julian Nagelsmann ដើម្បី​ត្រៀម​សម្រាប់​ជំនួស​តំណែង​របស់លោក Jose Mourinho ប្រសិនបើ​គ្រូបង្វឹក​រូបនេះ នៅតែ​បន្ត​ដឹកនាំ​ក្រុម​ទទួលរង​បរាជ័យ​ទៀត​នោះ ។​

​ក្រុម Spurs នឹងត្រូវ​ជួប​ប្រកួត​ជាមួយ Wolfsberger សម្រាប់​ពានរង្វាន់​ប្រក​ខ័​ណ្ឌ Europa League នៅ​ថ្ងៃ​ពុធ​ខាងមុខនេះ មុនពេល​ធ្វើការ​ប្រកួត​ក្នុង​លី​គ ជាមួយ​ក្រុម Burnley, Fulham និង Crystal Palace ។​

​ប្រភពព័ត៌មាន​ពី The Telegraph បានឱ្យដឹង​ទៀតថា​ក្រុម Spurs ហាក់​កំពុង​រៀបចំ​ផែនការ​របស់​ពួកគេ​រួចស្រេច​ទៅហើយ ប្រសិនបើ​លោក Mourinho នៅតែ​មិនអាច​ផ្លាស់ប្តូរ​លទ្ធផល​របស់​ក្រុម ឲ្យ​វិលត្រឡប់​មករក​ភាពល្អប្រសើ​ឡើងវិញ​ទេនោះ គ្រូបង្វឹក​បច្ចុប្បន្ន​រប​ស់​ក្រុម RB Leipzig លោក Nagelsmann ដែល​កំពុង​ឈរលើ​កំពូល​បញ្ជី​សម្រាប់​ត្រៀម​មក​ជំនួស​តំណែង​នេះ​វិញ ៕

Filed in: កីឡា

Recent Posts

Bookmark and Promote!


cen130 dap130 koh130 kampucheathmey130 nokorwat130 sbn130 sabay130