ព័ត៌មាន​ថ្មី
សូម​ស្វាគមន៍​ ឯកឧត្តម លោកជំទាវ លោក លោកស្រី​ ចូលមកកាន់គេហទំព័រ «ភ្នំពេញថ្មី»​

Raiola ៖ មាន​១០​ក្លិប​ប៉ុណ្ណោះ​ដែលមាន​លទ្ធភាព​ទិញ Haaland

​កីឡា ៖ លោក Mino Raiola ដែលជា​ភ្នាក់ងារ​របស់​ខ្សែប្រយុទ្ធ Erling Braut Haaland បាន​អះអាងថា​មានតែ​ក្លឹប​ចំនួន ១០​ប៉ុណ្ណោះ​នៅលើ​ពិភពលោក ដែល​អាចមាន​លទ្ធភាព​ចុះហត្ថលេខា​លើ​កូនក្រុម​របស់លោក​ដែល​ក្នុងនោះ​មាន ៤ ក្លិប​ស្ថិត​ក្នុងប្រទេស​អង់គ្លេស​។​

​ខ្សែប្រយុទ្ធ​សញ្ជាតិ​ន័​រវេ​សវ័យ​២០ ឆ្នាំ ជា​កីឡាករ​ដែល​ទទួលបាន​ការចាប់អារម្មណ៍​ចង់បាន​ពី​សំណាក់​ក្លិប​ធំៗ​ជាច្រើន​នៅ​អឺរ៉ុប ហើយ​លោក Raiola និយាយថា​តម្លៃ​របស់គេ​មានការ​កើនឡើង​ខ្ពស់ ដោយសារ​សមត្ថភាព និង វ័យ​របស់គេ​។​

​លោក​បាន​និយាយ​នៅក្នុង​បទសម្ភាសន៍​ជាមួយ​សារព័ត៌មាន BBC ថា “​វា​ប្រាកដ​ណាស់​ថា គ្រប់គ្នា​បានឃើញ Erling Haaland ជា​តារា​ឆ្នើម​ដែលមាន​សក្ដានុពល​នាពេល​អនាគត ព្រោះ​អ្វីដែល​គេ​បានធ្វើ​នៅក្នុង​វ័យ​របស់ខ្លួន​គឺ​គ្មាន​នរណា​ដូច​”​។ លោក​ថា “​គេ​នឹង​ក្លាយជា​តារា​ឆ្នើម​នៅ​១០​ឆ្នាំ​បន្ទាប់ ព្រោះ​យើង​ស្ថិតនៅក្នុង​ដំណាក់កាល​មួយ​ដែល​ត្រូវ​សួរថា​តើ កីឡាករ​ដូចជា Zlatan Ibrahimovic, Cristiano Ronaldo និង Lionel Messi នឹង​លេង​យូរ​បំផុត​ដល់​ពេលណា​។ យ៉ាងណាក៏ដោយ គ្រប់គ្នា​កំពុង​រង់ចាំ​កីឡាករ​ជំនាន់​ថ្មី​”​។​

​លោក Raiola បាន​បន្ដថា​៖ “​មានតែ​ក្លិប​១០​ប៉ុណ្ណោះ​ដែលមាន​លទ្ធភាព​ក្នុងការ​ស៊ី​ញ៉េ​ផ្ទេរ​យក Haaland ហើយ​ផ្ដល់​ឱ្យគេ​នៅ​ការកំណត់​ដែល​អាចធ្វើ​ទៅបាន បន្ទាប់ពី Dortmund​។ ក្លិប​៤​ក្នុងចំណោម​នោះ​គឺ​នៅ​អង់គ្លេស​”៕

Filed in: កីឡា

Recent Posts

Bookmark and Promote!


cen130 dap130 koh130 kampucheathmey130 nokorwat130 sbn130 sabay130