ខេត្តព្រៃវែង ៖ លោក ជា សុមេធី អភិបាលខេត្តព្រៃវែងកាលពីថ្ងៃទី១៦ ខែកក្កដា ឆ្នាំ២០២១នេះ បានអញ្ជើញមកទទួលថ្នាំព្យាបាលជំងឺកូវីដ-១៩ ដែលជាអំណោយសម្តេចសង្ឃ យិន ស៊ុន អនុប្រធានសមាគមន៍ពុទ្ធសាសនិក និងជាព្រះចៅអធិការវិហារ ហុង ហ្វា នៃទីក្រុងស៊ិនជិន សាធារណរដ្ឋប្រជាមានិតចិន តាមរយះលោក ឯក សំអុល ប្រធានសមាគមន៌មិត្តភាពកម្ពុជា-ចិន ដែលប្រព្រឹត្តទៅនៅស្នាក់ការសមាគមន៍មិត្តភាព កម្ពុជា-ចិន។
លោក អភិបាលខេត្ត បានថ្លែងអំណរគុណយ៉ាងជ្រាលជ្រៅបំផុតចំពោះសម្តេចសង្ឃ យិន ស៊ុន អនុប្រធានសមាគមន៍ពុទ្ធសាសនិក និងជាព្រះចៅអធិការវិហារ ហុង ហ្វា នៃទីក្រុងស៊ិនជិន នៃសាធារណរដ្ឋប្រជាមានិតចិន និងថ្នាក់ដឹកនាំនៃសមាគមន៍ទាំងអស់ ដែលបានចូលរួមចែករំលែកក្ដីស្រឡាញ់ ការគាំទ្រ និងការឧបត្ថមថ្នាំព្យាបាលជំងឺកូវីដ-១៩នេះដែល ជាការរួមចំណែកក្នុងការប្រយុទ្ធប្រឆាំងនឹងជំងឺដ៍កាចសាហាវបំផុតនាពេលនេះ។
លោកអភិបាលខេត្ត ជូនពរសម្តេចសង្ឃ យិន ស៊ុនព្រមទាំងឯកឧត្ដម លោកជំទាវ នៃសមាគមន៍នេះ និងសហការីទាំងអស់ សូមជួបនឹងពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងជៀសផុតពីជំងឺដ៍កាចសាហាវមួយនេះ។
សូមជម្រាបថា មកដល់ពេលនេះខេត្តព្រៃវែងបានរកឃើញករណីឆ្លងកូវីដ១៩ចំនួន២.៩០៣នាក់ និងព្យាបាលជាសះស្បើយចំនួន១.៦៤៤នាក់ ខណអ្នកស្លាប់មានចំនួន៤៣នាក់៕
