វៀងច័ន្ទ ៖ ក្រសួងសុខាភិបាលឡាវនៅថ្ងៃសុក្រម្សិលមិញប្រកាសរកឃើញករណីឆ្លងថ្មី នៃជំងឺកូវីដ១៩ ចំនួន២៤៤ករណីបន្ថែមទៀតក្នុងរយៈពេល ២៤ម៉ោងចុងក្រោយនេះ ដែលនាំឲ្យករណីឆ្លងសរុបនៅទូទាំងប្រទេសកើនដល់ ៥,៧១៩ករណី។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ។
អគ្គនាយករង នៃនាយកដ្ឋានប្រយុទ្ធនឹងជំងឺឆ្លងរបស់ក្រសួងសុខាភិបាលឡាវលោក Sisavath Soutthaniraxay បានប្រាប់សន្និសីទសារព័ត៌មានមួយនៅរដ្ឋធានីវៀងច័ន្ទនៅព្រឹកថ្ងៃសុក្រថា ករណីឆ្លងថ្មី នៃជំងឺកូវីដ ១៩ ចំនួន២៤៤ត្រូវបានកត់ត្រាក្នុងរយៈពេល ២៤ម៉ោងចុងក្រោយនេះ ក្នុងនោះមាន ២៤៣ករណីដែលនាំចូល និងមួយករណីជាករណីឆ្លងក្នុងសហគមន៍។
លោកបញ្ជាក់ថា ករណីឆ្លងក្នុងសហគមន៍មួយករណីខាងលើនេះ ត្រូវបានរកឃើញនៅខេត្ត Savannakhet ខណៈអ្នកជំងឺម្នាក់វ័យ ៣៨ឆ្នាំនៅខេត្ត Champasak ត្រូវបានគេរាយការណ៍ថាស្លាប់បាត់បង់ជីវិតដោយសារជំងឺកូវីដ១៩ ផងដែរ៕
