កីឡា ៖ Lionel Messi មិនត្រឹមតែបានចាប់ផ្តើមអាជីពថ្មីជាមួយ Paris Saint-Germain នោះទេ ថែមទាំងមានផែនការសម្រាប់កូន ៗ របស់គាត់ដោយបញ្ជូនឲ្យទៅហ្វឹកហាត់នៅក្រុមយុវជនរបស់ក្លឹបប៉ារីសទៀតផងដែរ។នេះបើយោងតាមប្រភពពីសារព័ត៌មាន Marca។
កូនប្រុសទាំងពីររបស់អតីតខ្សែប្រយុទ្ធក្រុម Barcelona នឹងចូលហាត់នៅក្រុមយុវជនរបស់ក្លឹបបន្ទាប់ពី Messi បានចុះឈ្មោះពួកគេឲ្យចូលរៀនក្នុងសាលាបាលទាត់នៅកីឡដ្ឋាន Parc des Princes ។
យោងតាមព័ត៌មានបារាំង L’Equipe បានឱ្យដឹងថា Messi បានចុះឈ្មោះ Thiago និង Mateo នៅក្នុងក្រុមយុវជនរបស់ PSG ។ ដោយកូនប្រុស Thiago Messi នឹងហាត់សម្រាប់ក្រុមអាយុក្រោម ១០ ឬក្រោម ៩ឆ្នាំ ខណៈ Mateo នឹងចូលរួមជាមួយក្រុមអាយុក្រោម ៧ ឆ្នាំ៕