ខេត្តមណ្ឌលគិរី ៖ សមត្ថកិច្ចនគរបាលស្រុកកោះញែកស្រាវជ្រាវឃាត់ខ្លួន ជនសង្សយ័ម្នាក់ពាក់ព័ន្ធករណីបង្ករបួសស្នាមដោយសារជម្លោះពាក្យសម្តីក្នុងវង់ផឹកស៊ី ។
ករណីនេះកើតឡើងនៅថ្ងៃទី០១ ខែកញ្ញា ឆ្នាំ២០២១ វេលាម៉ោង១៧និង១៥ នាទីនៅចំណុចប៉ុស្តិ៍១៤ ស្ថិតនៅ ភូមិកោះម្យើលលើឃុំណងឃីលឹក ស្រុកកោះញែក ខេត្តមណ្ឌលគិរី ។
ជនដៃដល់ឈ្មោះ ប្រុស ធូន ភេទប្រុស អាយុ២៥ឆ្នាំ មុខរបរកសិករ រស់នៅកន្លែងកើតហេតុខាងលើ បានប្រើដំបងឈើ វាយទៅលើ ជនរងគ្រោះឈ្មោះ ឈឿន ឆៃយ៉ា ភេទប្រុស អាយុ២៦ឆ្នាំ ចំពីលើក្បាលខាងក្រោយបណ្ដាលឲ្យរងរបួសធ្ងន់នឹងសន្លប់នៅនឹងកន្លែងកើតហេតុ ។
សមត្ថកិច្ចឃាត់ខ្លួន ជនដៃដល់នៅវេលាម៉ោង១៣ និ១៥នាទី ថ្ងៃទី០២ ខែកញ្ញា ឆ្នាំ២០២១ ដើម្បីកសាងសំណុំរឿងបញ្ជូនទៅសាលាដំបូងខេត្តអនុវត្តតាមនីតិវិធី ៕