ក្រុមតាលីបង់បានប្រកាសរដ្ឋាភិបាលថ្មីមួយនៅថ្ងៃអង្គារចំពេលដែលមានការតវ៉ាពីប្រជាជនអាហ្វហ្កានីស្ថានស្តីពីសិទ្ធិស្ត្រីនិងការនិយាយស្ដីដោយសេរី។ ចំនួននៃការតវ៉ាបានកើនឡើងនៅទូទាំងប្រទេសក្នុងរយៈពេលមួយសប្តាហ៍ចុងក្រោយនេះដោយប្រជាជនអាហ្វហ្គានីស្ថានជាច្រើនភ័យខ្លាចចំពោះរជ្ជកាលមុនរបស់តាលីបង់កើតទ្បើងម្តងទៀតដូចនៅចន្លោះឆ្នាំ ១៩៩៦ និង ២០០១ ។
មនុស្សរាប់រយនាក់បានប្រមូលផ្តុំគ្នានៅទីក្រុងកាប៊ុលកាលពីថ្ងៃអង្គារជាកន្លែងដែលឆ្មាំតាលីបង់បានបាញ់រះដើម្បីបំបែកហ្វូងមនុស្ស។ ចំណែកឯនៅទីក្រុងហេរ៉ាតមនុស្សរាប់រយនាក់បានដើរជាក្បួននឹងកាន់បដា ហើយបានគ្រវីទង់អាហ្វហ្គានីស្ថានដែលត្រូវបានបោះពុម្ពជាបីពណ៌បញ្ឈរនៃពណ៌ខ្មៅ ក្រហម និង បៃតងដោយមាននិមិត្តសញ្ញាជាតិគ្របដណ្តប់លើពណ៌សដោយបានស្រែកលឺៗថា“ សេរីភាព” ។
ការធ្វើបាតុកម្មក៏ត្រូវបានធ្វើឡើងនៅក្នុងទីក្រុងតូចៗផងដែរក្នុងរយៈពេលប៉ុន្មានថ្ងៃថ្មីៗនេះដែលស្ត្រីបានទាមទារសិទ្ធិរបស់ពួកគេ។គួរឲ្យដឹងបន្ថែមទៀតថា អ្នកនាំពាក្យតាលីបង់នៅកាលពីថ្ងៃអង្គារបានព្រមានសាធារណជនកុំឱ្យដើរតាមផ្លូវដោយបន្ថែមថាអ្នកសារព័ត៌មានមិនគួរបិទបាំងការធ្វើបាតុកម្មណាមួយឡើយ៕