ខេត្តប៉ៃលិន៖ យោងតាមប្រភពពីគណៈកម្មាធិការជាតិគ្រប់គ្រងគ្រោះមហន្តរាយខេត្ត បានឱ្យដឹងថា នៅវេលាល្ងាចថ្ងៃពុធទី៨ ខែកញ្ញា ២០២១ម្សិលមិញ ចាប់ពីម៉ោង ៣៖៣០នាទី ដល់ម៉ោង ៦៖០០នាទី មានភ្លៀងធ្លាក់យ៉ាងខ្លាំង បណ្តាលឱ្យជន់លិចមណ្ឌលចត្តាឡីស័ក ១កន្លែង ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។ការជន់លិចនោះត្រូវបានគេរាយការណ៏ថា បានរំខានដល់ការ ស្នាក់នៅ របស់ពលករដែលកំពុងធ្វើចត្តាឡីស័ក ដែលមានប្រមាណ២០០នាក់ផងដែរ។
ប៉ុន្តែភ្លាមៗនោះ លោកស្រី អភិបាលខេត្ត ក៏បានដឹកនាំកម្លាំងចម្រុះ ចុះអន្តរាគមន៍ដោយជម្លៀសពលករចេញពីមណ្ឌលដែលលិចទឹកយកទៅកាន់មណ្ឌលផ្សេងទៀតបានទាន់ពេលវេលា និងមិនមានគ្រោះថ្នាក់នោះឡើយ៕