កីឡា ៖ ក្រុមអធិរាជស Real Madrid ត្រូវបានគេរាយការណ៍ថា បានឈានដល់កិច្ចព្រមព្រៀងពាក្យសំដីដើម្បីចុះហត្ថលេខាជាមួយខ្សែប្រយុទ្ធ Erling Braut Haaland របស់ក្រុម Borussia Dortmund ហើយ ។
កីឡាករសញ្ជាតិន័រវេសរូបនេះបានស្ថិតនៅលើរ៉ាដារបស់ក្លឹបកំពូល ៗ នៅអ៊ឺរ៉ុបអំឡុងទីផ្សារដោះដូររដូវក្តៅនេះ តែទោះជាយ៉ាងណាក៏ដោយ ក្លិប Dortmund នៅតែអាចរក្សាតារាឆ្នើមពួកគេ ឲ្យបន្តស្នាក់នៅក្របខ័ណ្ឌ Bundesliga រដូវកាលនេះតទៀត ។
ទោះយ៉ាងណាក៏ដោយជាមួយនឹងលក្ខខណ្ឌទិញផ្តាច់កុងត្រា ៦៨ លានផោនរបស់ Haaland ដែលនឹងចាប់ផ្តើមដំណើរការនៅរដូវក្តៅឆ្នាំក្រោយនេះ មានន័យថាក្រុម Real Madrid, Manchester City, Manchester United, Paris Saint-Germain និង Bayern Munich សុទ្ធសឹងតែមានក្តីរំពឹងខ្ពស់រៀងៗខ្លាំង ថាអាចុះហត្ថលេខានាំយកខ្សែប្រយុទ្ធវ័យ ២១ ឆ្នាំ មកកាន់ក្លិបរបស់ខ្លួនបាន ។
អនាគតរបស់ខ្សែប្រយុទ្ធរូបនេះអាចត្រូវបានសម្រេចចិត្តរួចហើយ ខណៈដែលសារព័ត៌មានអេស្ប៉ាញ Diario Madridista បានអះអាងថាមានកិច្ចព្រមព្រៀងពាក្យសំដីរវាង Real Madrid និង Dortmund សម្រាប់ការផ្ទេរ Haaland នៅរដូវក្តៅឆ្នាំ ២០២២៕
