ចិន៖ អាជ្ញាធរនៅទីក្រុងសៀងហៃ និងតំបន់ជិតខាងបានលុបចោលជើងហោះហើរ នឹងសេវាកម្មរថភ្លើងហើយបានបញ្ជូនសិស្សពីសាលារៀនឲ្យត្រឡប់ទៅផ្ទះវិញ នៅពេលព្យុះទីហ្វុងចន្ធូរបោកបក់មកលើឆ្នេរសមុទ្រភាគខាងកើតប្រទេសចិន។ ព្យុះដែលមានលាយឡំ នឹងខ្យល់បក់ដែលធ្វើដំណើរក្នុងរយៈចម្ងាយជាង ១៧០ គីឡូម៉ែត្រក្នុងមួយម៉ោង (១០៥ ម៉ាយក្នុងមួយម៉ោង) ត្រូវបានគេរំពឹងថា នឹងបោកបក់មកទីក្រុងសៀងហៃនៅព្រឹកថ្ងៃចន្ទនេះ។
ក្រសួងឧតុនិយមចិនបាននិយាយថាព្យុះនេះ នឹងថយចុះកម្លាំងខ្យល់នៅពេលដែលវាទៅដល់ទីក្រុងសៀងហៃ ដោយប្រែក្លាយពីព្យុះទីហ្វុងខ្លាំងទៅជា ព្យុះទីហ្វុងដ៏ខ្លាំងក្លាវិញ។ ប៉ុន្តែវានៅតែត្រូវបានគេរំពឹងថាអាច នឹងនាំឲ្យមានខ្យល់បោកបក់ខ្លាំង នឹងភ្លៀងធ្លាក់ខ្លាំងនៅតាមតំបន់មាត់សមុទ្រ។
នៅមុនពេលមានព្យុះនេះកើតឡើង ខេត្តហ្សេជាំងដែលនៅជិតសៀងហៃបានប្រកាសអាសន្នបន្ទាន់មួយដែលត្រូវបិទសាលារៀន និងផ្អាកជើងហោះហើរ និងសេវាកម្មផ្លូវដែកនៅក្នុងទីក្រុងនេះជាបន្ទាន់។
ទីក្រុងនីងបូ (Ningbo) ដែលជាកំពង់ផែកុងតឺន័រធំជាងគេទី ២ របស់ចិនបន្ទាប់ពីសៀងហៃបានផ្អាកប្រតិបត្តិការកាលពីថ្ងៃអាទិត្យកន្លងទៅនៅពេលថ្ងៃត្រង់ ទើបតែចាប់ផ្តើមដំណើរការអាជីវកម្មឡើងវិញបន្ទាប់ពីការកកស្ទះទំនិញ និងការផ្អាកកំពង់ផែអស់រយៈពេលជាច្រើនសប្តាហ៍ បន្ទាប់ពីព្យុះទីហ្វុងអ៊ីនហ្វានៅចុងខែកក្កដា នឹងការបិទស្ថានីយក្នុងអំឡុងពេលការរាតត្បាតនៃជំងឺកូវីដ ១៩ នៅពាក់កណ្តាលខែសីហាកន្លងទៅនេះ៕ប្រភព៖ ALJAZEERA NEWS