កីឡា ៖ អ្នកចាត់ការទូទៅក្រុមជម្រើសជាតិកម្ពុជា លោក Keisuke Honda បានរកឃើញក្លិបថ្មី ដើម្បីបន្ដអាជីពនៅអឺរ៉ុបបានហើយ គឺក្លិប FK Suduva នៃក្របខណ្ឌលីគកំពូលប្រទេសលីទុយអានី (A Lyga) ដោយលោកនឹងពាក់អាវលេខ៣។
សូមជម្រាបថា ក្លិប FK Suduva គឺជាក្លិបទី១១ ក្នុងចំណោម ៩ប្រទេសនៅអឺរ៉ុប ដែលអតីតសមាជិកក្រុមជម្រើសជាតិជប៉ុនវ័យ៣៥ឆ្នាំរូបនេះបានប្រកបអាជីព ក្រៅពីប្រទេសកំណើត ដោយអតីតតារាឆ្នើមរបស់ AC Milan ធ្លាប់លេងឲ្យក្លិបនៅប្រទេសហូឡង់ រុស្ស៊ី អ៉ីតាលី ម៉ិកស៊ិក អូស្ត្រាលី ប្រេស៊ីល ព័រទុយហ្គាល់ និងអាស៊ែបៃហ្សង់៕