ដើម្បីពង្រឹងគុណភាពការងារស្រាវជ្រាវចម្ការមីន និងការបោសសម្អាតមីន/គ្រាប់ ក្រុមត្រួតពិនិត្យអាជ្ញាធរមីនបានបន្តចុះពិនិត្យកិច្ចប្រតិបត្តិការស្រាវជ្រាវចម្ការមីនមូលដ្ឋាន ការបោសសម្អាតមីន/គ្រាប់ និងការត្រួតពិនិត្យផ្ទៃដីក្រោយពេលបោសសម្អាត ដែលអនុវត្តដោយប្រតិបត្តិករជាតិ-អន្តរជាតិនៅតាមបណ្តាខេត្តដែលទទួលរងផលប៉ះពាល់ដោយសារមីន/គ្រាប់មួយចំនួនដូចជា៖ ខេត្តពោធិ៍សាត់ បាត់ដំបង ប៉ៃលិន បន្ទាយមានជ័យ ឧត្តរមានជ័យ សៀមរាប កំពង់ធំ ព្រះវិហារ កំពង់ចាម ក្រចេះ ស្ទឹងត្រែង មណ្ឌលគិរី រតនគិរី ។ល។
ការត្រួតពិនិត្យគុណភាពធ្វើឡើងក្នុងគោលបំណងដើម្បី ពង្រឹងគុណភាពការងាររបស់ប្រតិបត្តិករក្នុងពេលកំពុងអនុវត្ត ដើម្បីធានាថា៖
១. ទិន្នន័យនៃការស្រាវជ្រាវចម្ការមីនមូលដ្ឋានមានសុក្រឹតភាព
២. សកម្មភាពពេលកំពុងការបោសសម្អាតមីន/គ្រាប់មានលក្ខណៈត្រឹមត្រូវស្របតាមស្តង់ដាជាតិ និងមានសុវត្ថិភាព
៣. ផ្ទៃដីដែលបានបោសសម្អាតរួច មានសុវត្ថិភាពមុនប្រគល់ជូនប្រជាពលរដ្ឋប្រើប្រាស់៕
