សេអ៊ូល៖ អគ្គសេនាធិការចម្រុះកូរ៉េខាងត្បូង (JCS) បាននិយាយនៅថ្ងៃពុធនេះថាកូរ៉េខាងជើងបានបាញ់មីស៊ីលផ្លោងមិនស្គាល់អត្តសញ្ញាណចំនួន ២ គ្រាប់ចូលក្នុងដែនទឹកភាគខាងកើត។នេះបើយោងតាមប្រភពពីសារព័ត៌មាន ស៊ិនហួរ។
ទីភ្នាក់ងារ JCS បាននិយាយនៅក្នុងសេចក្តីថ្លែងការណ៍មួយថាមីស៊ីលផ្លោងពីរគ្រាប់មិនត្រូវបានគេស្គាល់អត្តសញ្ញាណត្រូវបានបាញ់នៅព្រឹកថ្ងៃនេះពីតំបន់ដីកណ្តាលរបស់កូរ៉េខាងជើងឆ្ពោះទៅសមុទ្រខាងកើត។ JCS បានកត់សម្គាល់ថាអាជ្ញាធរស៊ើបការណ៍សម្ងាត់របស់កូរ៉េខាងត្បូងនិងសហរដ្ឋអាមេរិកកំពុងធ្វើការវិភាគលម្អិតបន្ថែមទៀត។
សូមជម្រាបថា ការបាញ់មីស៊ីលនេះបានកើតឡើងប៉ុន្មានថ្ងៃបន្ទាប់ពីកូរ៉េខាងជើងបាននិយាយកាលពីថ្ងៃច័ន្ទថាខ្លួនបានសាកល្បងដោយជោគជ័យនូវមីស៊ីលផ្លោងរយៈចម្ងាយប្រភេទថ្មីកាលពីថ្ងៃសៅរ៍និងថ្ងៃអាទិត្យ៕