កីឡា ៖ Paris St-Germain ធ្វើបានត្រឹមស្មើជាមួយក្លឹប Club Bruges លទ្ធផល ១-១ ក្នុងការប្រកួតដំបូងពាន Champions League ក្នុងពូល A កាលពីយប់មិញ។
សម្រាប់ការប្រកួតនេះដែល PSG បានបើកការនាំមុខមុនដោយខ្សែបម្រើ Ander Herrera ក្នុងនាទីទី១៥ មុនពេលកីឡាករ Hans Vanaken តាមស្មើឲ្យ Club Bruges វិញនាទី២៧។ លទ្ធផល ១-១ នេះបានបន្សល់រហូតដល់ចប់៩០នាទី ។
យ៉ាងណាមិញមុនការប្រកួតអ្នកគាំទ្រជឿជាក់ថា PSG នឹងអាចយកឈ្នះ Club Bruges ច្រើនគ្រាប់ ព្រោះតែមានវត្តមាន Lionel Messi, Neymar និង Mbappe លេងជាមួយគ្នា។ ប៉ុន្តែលទ្ធផលខុសពីការរំពឹងទុក ដោយក្រុមទាំងពីរលេងបានត្រឹមស្មើគ្នាប៉ុណ្ណោះ៕