ហៃទី៖ នាយករដ្ឋមន្ត្រីហៃទីលោក Ariel Henry បានជំនួសតំណែងរដ្ឋមន្ត្រីក្រសួងយុត្តិធម៌របស់ប្រទេសនេះ នៅប៉ុន្មានថ្ងៃបន្ទាប់ពីការបណ្តេញចេញនូវប្រធានរដ្ឋអាជ្ញាម្នាក់ ដែលត្រូវបានចោទប្រកាន់ពីបទពាក់ព័ន្ធនឹងការធ្វើឃាតប្រធានាធិបតីលោក Jovenel Moise កាលពីខែកក្កដាកន្លងទៅនេះ។
ការលាលែងពីតំណែងរបស់អគ្គលេខាធិការនៃទីស្តីការគណៈរដ្ឋមន្ត្រីហៃទីលោក Renald Luberice បានធ្វើឡើងកាលពីថ្ងៃពុធម្សិលមិញនេះ ហើយលោកបានបញ្ជាក់ថា លោកមិនអាចបន្តស្ថិតនៅក្រោមការដឹកនាំរបស់នាយករដ្ឋមន្ត្រីដែល មិនមានបំណងសហការជាមួយនឹងក្រសួងយុត្តិធម៍ទេ ផ្ទុយទៅវិញថែមទាំងរិះរកគ្រប់មធ្យោបាយដើម្បីទម្លាក់តំណែងរបស់លោកថែមទៀតផង។
បើយោងតាមសេចក្តីថ្លែងការណ៍មួយនៅក្នុងកាសែតផ្លូវការរបស់ហៃទី បានបញ្ជាក់ថា ការលាលែងពីតំណែងនេះបានធ្វើឡើងនៅពេលដែលលោក Henry ឡើងជំនួសតំណែងរដ្ឋមន្ត្រីក្រសួងយុត្តិធម៌។.ភ្នំពេញថ្មី៕
ប្រភព៖ ALJAZEERA NEWS
