បាហាម៉ាស៖ នាយករដ្ឋមន្ត្រីបាហាមេន លោកហ៊ូប៊ឺតមីននីស (Hubert Minnis) បានទទួលបរាជ័យក្នុងការបោះឆ្នោតជាសកលនៅកោះអាត្លង់ទិក ។ការបរាជយ័នោះ បណ្តាលមកពីការកើនឡើងនៃករណីកូវីដ ១៩ និងការធ្លាក់ចុះនៃវិស័យសេដ្ឋកិច្ច ដោយត្រូវពឹងផ្អែកលើវិស័យទេសចរណ៍ តែមួយមុខ។
កាលពីថ្ងៃព្រហស្បតិ៍ម្សិលមិញនេះ លោកមីននីសបានទូរស័ព្ទទៅលោកហ្វីលីពដេវីស (Philip Davis) ដែលជាអ្នកឈ្នះក្នុងការបោះឆ្នោតនេះ ដើម្បីអបអរសាទរដល់លោក និងគណបក្សសេរីនិយមរីកចម្រើនរបស់លោក ផងដែរ។
លោកមីននីស មេដឹកនាំគណបក្សចលនាជាតិសេរី (FNM) បាននិយាយនៅក្នុងសេចក្តីថ្លែងការណ៍មួយថា“ ខ្ញុំបានផ្តល់នូវបំណងប្រាថ្នាដ៏ល្អបំផុតមួយដល់គាត់ ស្របពេលដែលរដ្ឋាភិបាលរបស់គាត់ និងត្រូវប្រឈមមុខនឹងការប្រយុទ្ធប្រឆាំងនឹងជំងឺកូវីដ ១៩ និងការស្តារសេដ្ឋកិច្ចរបស់យើងឡើងវិញ” ។.ភ្នំពេញថ្មី៕ប្រភព៖ ALJAZEERA NEWS