ប៉េកាង៖ នៅថ្ងៃសុក្រនេះ អវកាសយានិកចិនចំនួន ៣ នាក់ដែលត្រូវបានបញ្ជូនទៅកាន់គន្លងគោចរជាលើកដំបូង បានបញ្ចប់បេសកកម្មសាងសង់យានអវកាសរយៈពេល ៣ ខែ របស់ពួកគេ និងបានវិលត្រឡប់មកផែនដីវិញដោយសុវត្ថិភាពហើយ។
នេះក៏ជាលើកដំបូងផងដែរ ដែលទីតាំងចុះចតសម្រាប់យានអវកាស ដុងហ្វេង ត្រូវបានប្រើប្រាស់ក្នុងការស្វែងរក ក៏ដូចជាចំណតសម្រាប់យានអវកាសដែលមានមនុស្សជិះ ផងដែរ។
នៅថ្ងៃទី ១៧ ខែមិថុនា កន្លងទៅនេះ យានអវកាស Shenzhou-12 ត្រូវបានបាញ់បង្ហោះចេញពី មជ្ឈមណ្ឌលបាញ់បង្ហោះផ្កាយរណប Jiuquan នៅភាគពាយ័ព្យប្រទេសចិន ហើយបានចូលចតនៅស្ថានីយយានអវកាស Tianhe ។ បន្ទាប់ពីការចុះចត អវកាសយានិកទាំង ៣ នាក់បានចូលទៅក្នុងស្ថានីយហើយបានស្នាក់នៅក្នុងនោះរយៈពេល ៣ ខែ នៅក្នុងលំហ។
ក្រុមនាវិកបានសាកល្បងវិទ្យាសាស្ត្រ និងបច្ចេកវិទ្យាអវកាសផ្សេងៗ ជាបន្តបន្ទាប់។ ពួកគេបានសាកល្បងបច្ចេកវិទ្យាសំខាន់ៗមួយចំនួន សម្រាប់ការសាងសង់ និងប្រតិបត្តិការយានអវកាស ដែលទាក់ទងទៅនឹងការស្នាក់នៅរយៈពេលវែង សម្រាប់អវកាសយានិក ប្រព័ន្ធកែច្នៃឡើងវិញ និងទ្រទ្រង់ជីវិតការផ្គត់ផ្គង់សម្ភារៈអវកាសសកម្មភាពក្រៅម៉ោង ពិសេសប្រតិបត្តិការ និងការថែទាំសុខភាពនៅក្នុងគន្លងគោចរនេះ។.ភ្នំពេញថ្មី៕ ប្រភព៖ Xinhua News