កីឡា ៖ ការចាប់ឆ្នោតនៃការប្រកួតពាន AFF Suzuki Cup 2020 បានចេញជាផ្លូវការកាលពីម្សិលមិញ ខណៈពូល A រួមមាន៖ ក្រុមជម្រើសជាតិថៃ ,មីយ៉ាន់ម៉ា , សឹង្ហបុរី ,ហ្វីលីពីន និងមួយក្រុមទៀតរងចាំក្រុមមកបង្គ្រាប់។ចំណែកពូល B រួមមាន កម្ពុជា ឡាវ ឥណ្ឌុនស៊ី ម៉ាឡេស៊ី និង វៀតណាម។
យ៉ាងណាមិញក្រោយការចាប់ពូលរួចគ្រូបង្វឹកចំនួន៦ប្រទេសបានបង្ហាញចំណាប់អារម្មណ៍ខុសគ្នា ដោយគ្រូបង្វឹកក្រុមជម្រើសជាតិវៀតណាមលោក Park Hang Seo បានិយាយថា′′ ខ្ញុំគិតថាក្រុមទាំងអស់ដែលវៀតណាមនឹងប្រឈមមុខនៅក្នុងពូល នឹងមានការប្រកួតដ៏ស្វិតស្វាញ ។ យើងនឹងព្យាយាមដឹកនាំឲ្យល្អបំផុតសម្រាប់ការប្រកួតទាំងអស់របស់យើង ។ គោលបំណងដំបូងរបស់យើងគឺឆ្លងផុតវគ្គចែកពូល,”។
ចំណែកគ្រូបង្វឹកម៉ាឡេស៊ីលោក Tan Cheng Hoe បាននិយាយថា′′ វៀតណាមមើលទៅជាក្រុមលេចធ្លោជាងគេក្នុងពូល B ប៉ុន្តែយើងមិនអាចផ្តោតលើតែវៀតណាមបានទេ ។ ឥណ្ឌូណេស៊ី ក៏ជាក្រុមខ្លាំងមួយ ខណៈកម្ពុជាក៏មានកីឡាករមានទេពកោសល្យល្អដែរ,”។ គ្រូបង្វឹកក្រុមជម្រើសជាតិឥណ្ឌូនេស៊ីលោក Shin Tae Yong បានលើកឡើងថា′′ វៀតណាម និងម៉ាឡេស៊ីគឺជាក្រុមគួរឱ្យចាប់អារម្មណ៍ណាស់ ។ ពួកគេជាក្រុមខ្លាំង ប៉ុន្តែពួកយើងនឹងតស៊ូដើម្បីឈ្នះគ្រប់ការប្រកួត,”។ ដោយឡែកគ្រូបង្វឹកឡាវលោក Selvaraj Vengadalam បាននិយាយថា′′ បើមាន ម៉ាឡេស៊ី និង វៀតណាម ។ ប៉ុន្តែក្រុមដទៃទៀតមិនរុញរាទេ ដូច្នេះយើងត្រូវតែប្រុងប្រយ័ត្ន និងដោយមានការរៀបចំឲ្យបានល្អ យើងនឹងត្រូវមើលងាយប្រទេសណាមួយនោះទេ.”។
ចំណែកលោកស្រី Nualphan Lamsam អ្នកគ្រប់គ្រងថៃ បាននិយាយថា ′′ ជាមួយនឹងភាគីអាស៊ានដែលកំពុងរីកចម្រើនយ៉ាងលឿន យើងមិនអាចមិនចាប់អារម្មណ៍ប្រទេសពានបាននោះទេ ។ ប៉ុន្តែថៃប្រាកដ១០០%ថាពួកគេអាចនឹងដណ្ដើមបានជើងឯក AFF Cup លើកទីប្រាំមួយនៅឆ្នាំនេះ ′′។ ខណៈគ្រូបង្វឹកសិង្ហបុរីលោក Tatsuma Yoshida ថា ′′ មិនមានក្រុមល្អឬអន់នៅក្នុងការប្រកួតនោះទេ ។ យើងសុទ្ធតែមានមហិច្ឆតារៀងៗខ្លួន នឹងព្យាយាមលេងឱ្យអស់ពីសមត្ថភាព ហើយតែងតែមានបំណងចង់ក្លាយជាម្ចាស់ជើងឯក តែយើងក៏គួរតែយកការប្រកួតនីមួយៗដែលវានិងគោលដៅដើម្បីរីកចម្រើននិងចេញឲ្យផុតពីវគ្គចែកពូលជាមុនសិនដែរ,”។
សូមជម្រាបថា ការប្រកួតនឹងធ្វើឡើងចាប់ពីថ្ងៃទី ៥ ខែធ្នូ ឆ្នាំ២០២១ រហូតដល់ថ្ងៃទី ១ ខែមករា ឆ្នាំ២០២២ខាងមុខ៕