ថៃ ៖ ប្រទេសថៃបានចាប់ផ្តើមចាក់វ៉ាក់សាំងការពារកូវីដ១៩ ដូសជំរុញ ក្នុងគោលបំណងបើកវិស័យទេសចរណ៍នៅទូទាំងប្រទេសឡើងវិញ ខណៈប្រជាជនប្រហែល ១០ ភាគរយបានទទួលការចាក់វ៉ាក់សាំង Sinovac របស់ចិនពេញ២ ដូស។
មន្ត្រីសុខាភិបាលនិយាយថាមនុស្សដែលបានទទួលវ៉ាក់សាំង Sinovac ២ដូសរួចអាចទទួលបានការចាក់វ៉ាក់សាំង AstraZeneca ជាដូសជំរុញ ហើយជនជាតិថៃជាង ៣ លាននាក់មានសិទ្ធិទទួលបានការចាក់វ៉ាក់សាំង ហើយគោលបំណងរបស់យើងគឺដើម្បីបង្កើនភាពស៊ាំប្រជាជនក្នុងសហគមន៍ ។
រដ្ឋាភិបាលនិយាយថាសម្រាប់ការចាក់ដូសជំរុញនេះ ពួកគេបានប្រើប្រាស់វ៉ាក់សាំងចំនួន ១ លានដូសកាលពីថ្ងៃសុក្រ ពោលជាថ្ងៃឈប់សម្រាកដើម្បីរំលឹកដល់ការផលិតឱសថ ។ យុទ្ធនាការចាក់ដូសជំរុញនេះកើតឡើង នៅពេលដែលប្រទេសថៃសង្ឃឹមថានឹងទទួលយកអ្នកទេសចរបរទេសនៅទូទាំងប្រទេសឡើងវិញ ។
សូមជម្រាបថារហូតមកដល់ពេលនេះ មានតែប្រជាជនថៃចំនួន ២៣ ភាគរយប៉ុណ្ណោះដែលបានទទួលការចាក់វ៉ាក់សាំងពេញ២ ដូស ខណៈគោលការណ៍របស់មន្ត្រីសុខាភិបាល ចង់បង្កើនចំនួនចាក់វ៉ាក់សាំងដល់ប្រជាជនឲ្យ ៧០ ភាគរយនៅចុងឆ្នាំនេះ ៕
