ខេត្តបន្ទាយមានជ័យ ៖ យុវជនម្នាក់ស្គាល់នារីជាអនិតិជនបានត្រឹមតែ៧ថ្ងៃក៏ស្រាប់តែណាត់គ្នាមករួមរ័ក្សនៅក្នុងបន្ទប់ជួល។ប៉ុន្តែល្ងាចឡើងក៏ត្រូវសមត្ថកិច្ចឃាត់ខ្លួនខាងប្រុសតែម្តង។ហេតុការណ៍ឃាត់ខ្លួនយុវជនខាងលើធ្វើទ្បើងនៅវេលាម៉ោង១២និង២០នាទី ថ្ងៃត្រង់ ថ្ងៃទី ២៩ខែកញ្ញា ឆ្នាំ២០២១កន្លងទៅ។
លោកវរសេនីយ៍ទោ ស៊ុន សារឿន នាយការរងការិយាល័យ ប្រឆាំងការជួញដូរមនុស្សនិងការពារ អនីតិជន បានប្រាប់អ្នកយព័ត៍មានឲ្យដឹងថា ជនសង្ស័យឈ្មោះ ធឿន រ៉ាម៉ាញ ភេទប្រុសអាយុ២៣ឆ្នាំ មុខរបរជាបុគ្គលិករោងចក្រកាត់ដេរអូរនាង ស្នាក់នៅបន្ទប់ជួល ភូមិអូរប្ញស្សី សង្កាត់ផ្សារណ្តាល ក្រុងប៉ោយប៉ែត ខេត្តបន្ទាយមានជ័យ ។
លោកវរសេនីយ៍ទោ ស៊ុន សារឿន បានបញ្ជាក់ឲ្យដឹងបន្តទៀតថាក្រោយរួមរ័ក្សហើយ ក៏ស្រាប់តែល្ងាចឡើងម្តាយជនរងគ្រោះដាក់ពាក្យប្តឹងសមត្ថកិច្ចឲ្យជួយធ្វើអន្តរាគមន៍។ភ្លាមៗនោះលោកក៏បានដឹកនាំកំលាំងនគរបាល១ក្រុមចុះឃាត់ខ្លួនជនសង្ស័យតែម្តង។
ជនសង្ស័យបានសារភាពថា ខ្លួនពិតជាបានរួមភេទជាមួយក្មេងស្រីពិតមែនក្រោយពីមានទំនាក់ទំនងជាមួយគ្នារយៈពេល១សប្តាហ៍កន្លងមកតាមហ្វេសប៊ុក ហើយ នៅវេលាម៉ោង១២និង២០នាទីថ្ងៃត្រង់ នាងបានណាត់ឲ្យខ្លួនទៅយកនាងមកលេងក្នុងបន្ទប់ខ្លួនជួល ហើយក៏បានរួមភេទជាមួយនាងបានសម្រេច១ដង។ជនសង្សយ័បានបន្តថា ក្រោយរួមភេទ ខ្លួនក៏បានដឹកនាងទៅផ្ទះវិញ។ លុះល្ងាច ថ្ងៃដដែល ត្រូវបាននគរបាលមកឃាត់ខ្លួនតែម្តង ។
លោកវរសេនីយ៍ទោ ស៊ុន សារឿន បានឲ្យដឹងទៀតថា ផ្អែកតាមបណ្តឹងរបស់ក្រុមគ្រួសារក្មេងស្រីរងគ្រោះនិងចម្លើយសារភាពរបស់ជនសង្ស័យឈ្មោះធឿន រ៉ាម៉ាញ នគរបាលការិយាល័យជំនាញ បានកសាងសំណុំរឿងបញ្ជូនខ្លួនទៅសាលាដំបូង ចាត់ការតាមនិតិវិធីច្បាប់នៅព្រឹក ថ្ងៃទី ១ ខែ តុលា ឆ្នាំ ២០២១នេះ៕
