តៃប៉ិ៖ តៃវ៉ាន់បានរាយការណ៍ពីការលុកលុយដ៏ធំបំផុតដែលមិនធ្លាប់មាន កាលពីថ្ងៃសុក្រ ដោយកងទ័ពអាកាសចិនដែលបានចូលទៅក្នុងតំបន់ការពារដែនអាកាសរបស់ខ្លួនដោយមានយន្តហោះរបស់ចិនចំនួន ៣៨ គ្រឿងបានហោះជា ២ ជួរ ស្របពេលដែលទីក្រុងប៉េកាំងបាននឹងកំពុងប្រារព្ធពិធីបុណ្យជាតិរបស់ខ្លួន គឺការបង្កើតសាធារណរដ្ឋប្រជាមានិតចិន។.ភ្នំពេញថ្មី
ក្រសួងការពារជាតិតៃវ៉ាន់ បានឲ្យដឹងថា យន្តហោះចម្បាំងរបស់តៃវ៉ាន់ដែលដាក់ពង្រាយនៅតំបន់ដែនអាកាសនោះ បានប្រយុទ្ធគ្នាជាមួយនឹងយន្តហោះរបស់ចិនជាច្រើនគ្រឿង ដែលមានដូចជា យន្តហោះ J-16 ចំនួន ១៨ គ្រឿង យន្តហោះចម្បាំងប្រភេទ Su-30 ចំនួន ៤ គ្រឿង យន្តហោះទម្លាក់គ្រាប់បែក H-6 ដែលមានសមត្ថភាពនុយក្លេអ៊ែរចំនួន ២ គ្រឿង រួមជាមួយនឹងយន្តហោះប្រឆាំងនាវាមុជទឹកចំនួន ១៤ គ្រឿងផ្សេងទៀត កាលពីថ្ងៃសុក្រនេះ។
យោងតាមផែនទីដែលចេញដោយក្រសួងការពារជាតិតៃវ៉ាន់ បានបង្ហាញឲ្យឃើញថា យន្តហោះរបស់ចិនក្រុមទី ១ បានហោះហើរនៅក្នុងតំបន់មួយនៅជិតកោះប្រាតាស និងយន្តហោះទម្លាក់គ្រាប់បែក ២ គ្រឿងផ្សេងទៀតបានហោះហើរទៅជិតកោះអាត្លុលផងដែរ។
ដោយឡែក ក្រុមទី ២ បានហោះចូលទៅក្នុងប៉ុស្តិ៍បាស៊ី ដែលជាចំណុចបំបែករវាងកោះតៃវ៉ាន់ និងប្រទេសហ្វីលីពីន ក៏ដូចជាផ្លូវទឹកសំខាន់មួយដែលតភ្ជាប់រវាងមហាសមុទ្រប៉ាស៊ីហ្វិកជាមួយសមុទ្រចិនខាងត្បូងផងដែរ។
មកដល់ពេលនេះ ចិននៅមិនទាន់បានចេញមកបញ្ជាក់អំពីសកម្មភាពរបស់ខ្លួននេះនៅឡើយទេ។ ដោយកន្លងមកប្រទេសចិន បានប្រកាសថា ការធ្វើសកម្មភាពហោះហើរបែបនេះគឺ ដើម្បីការពារអធិបតេយ្យភាពរបស់តៃវ៉ាន់ប៉ុណ្ណោះ៕.
ប្រភព៖ ALJAZEERA NEWS