កីឡា ៖ កីឡាករ Jorginho របស់ក្រុមតោខៀវ Chelsea កីឡាករ Lionel Messi របស់ក្រុម Paris St-Germain និងកីឡាករ Robert Lewandowski របស់ក្លិប Bayern Munich ស្ថិតក្នុងបញ្ជីឈ្មោះកីឡាករជាបេក្ខភាពឆ្នើមដែលអាចឈ្នះពានរង្វាន់ Ballon d’Or 2021។នេះបើយោងតាមប្រភពបីសារព័ត៌មាន BBC។
Messi បានឈ្នះពានចុងក្រោយឆ្នាំ ២០១៩ នឹងពានជាលើកទី ៦ របស់ខ្លួនផងដេរ។ ខ្សែប្រយុទ្ធរូបនេះបានឈ្នះពានរង្វាន់ជាមួយក្រុមជម្រើសជាតិជាលើកដំបូងនៅពេលដែលគាត់បានជួយអាហ្សង់ទីនឈ្នះពានរង្វាន់ Copa America ឆ្នាំ ២០២១ ។
ចំណែកខ្សែបម្រើអ៊ីតាលី Jorginho បានជួយ ឲ្យ ក្រុមតោខៀវ Chelsea ឈ្នះពានរង្វាន់ Champions League កាលពីរដូវកាលមុន មុនឈ្នះ Euro ២០២០ ជាមួយក្រុមជម្រើសជាតិអ៊ីតាលី ។
ដោយឡែកខ្សែប្រយុទ្ធប៉ូឡូញ Lewandowski បានឈ្នះស្បែកជើងមាសអឺរ៉ុប ២០២០-២១ ដោយរកបាន ៤១ គ្រាប់នៅ Bundesliga ខណៈ Bayern Munich ឈ្នះពានរង្វាន់លីគអាល្លឺម៉ង់កាលពីរដូវកាលមុន។
គួរបញ្ជាក់ថា ថ្ងៃប្រកាសម្ចាស់ពានរង្វាន់ Ballon d’Or ឆ្នាំ២០២១ គ្រោងនឹងប្រារព្ធឡើងនៅថ្ងៃទី ២៩ ខែវិច្ឆិកា ឆ្នាំ២០២១ ក្រោយខកខានអស់មួយឆ្នាំ ដោយសារជំងឺកូវីដ-១៩ រាតត្បាត៕
