កីឡា ៖ ក្រុមអ្នកមានបុណ្យ Barcelona ត្រូវបានគេរាយការណ៍ថា បានជិតឈានដល់ការបន្តកុងត្រាថ្មីជាមួយកីឡាករ Pedri ហើយជុំវិញកិច្ចព្រមព្រៀងរយៈពេល ៥ ឆ្នាំនៅឯកីឡដ្ឋាន Camp Nou ។
កុងត្រាបច្ចុប្បន្នរបស់កីឡាករវ័យ ១៨ ឆ្នាំរូបនេះជាមួយក្លឹបយក្សកាតាឡាននឹងផុតកំណត់នៅរដូវក្តៅក្រោយ ទោះបីក្លឹបមានជម្រើសបន្តកុងត្រារយៈពេល ២ ឆ្នាំទៀតក៏ដោយ។
បច្ចុប្បន្ន Pedri គឺជាសមាជិកម្នាក់ក្នុងចំណោមសមាជិកដែលមានប្រាក់ខែទាបបំផុតហើយក្រុម Barcelona បាននិងកំពុងពិភាក្សាជាមួយកីឡាករអន្តរជាតិអេស្ប៉ាញជុំវិញកិច្ចព្រមព្រៀងថ្មីនិងប្រសើរឡើង។
ទោះយ៉ាងណាបើយោងតាមអ្នកកាសែតអ៊ីតាលី Fabrizio Romano បានឲ្យដឹងថាភាគីទាំងពីរបានឈានដល់កិច្ចព្រមព្រៀងស្តីពីកិច្ចកុងត្រាថ្មីដែលមានសពលភាពរហូតដល់ខែមិថុនាឆ្នាំ ២០២៦ ។ កាសែតដដែលបានអះអាងថាកិច្ចសន្យាថ្មីអាចត្រូវបានចុះហត្ថលេខានៅប៉ុន្មានម៉ោងខាងមុខនេះ ហើយលក្ខខណ្ឌនៃការដោះលែងខ្សែបម្រើរូបនេះគឺមានដល់ទៅ ១ពាន់លានអឺរ៉ូឯណោះ។
គួរបញ្ជាក់ថា កីឡាកររូបនេះបានផ្ទេរពីក្លិប La Palmas មកកាន់ទឹកដី Camp Nou កាលពីឆ្នាំ២០២០ ដោយបង្ហាញខ្លួនបាន៥៦ប្រកួតហើយ៕