បាងកក៖ វ៉ាក់សាំងការពារជំងឺកូវីដ ១៩ AstraZeneca ថៃរបស់ក្រុមហ៊ុន Siam Bioscience ត្រូវបានដាក់បញ្ចូលក្នុងបញ្ជីប្រើប្រាស់បន្ទាន់ របស់អង្គការសុខភាពពិភពលោក WHO ហើយ។ នេះបើយោងតាមការបញ្ជាក់របស់លោក Warat Karuchit ទីប្រឹក្សាមជ្ឈមណ្ឌលគ្រប់គ្រងស្ថានភាពកូវីដ-១៩ ថៃ។.ភ្នំពេញថ្មី
លោក Warat បានឲ្យដឹងថា លោក Rogerio Gaspar អគ្គនាយកនៃនាយករដ្ឋានបទប្បញ្ញត្តិរបស់ WHO បានប្រាប់លោក Etleva Kadilli អគ្គនាយកផ្នែកផ្គត់ផ្គង់របស់អង្គការ Unicef តាមរយៈលិខិតមួយច្បាប់ថា វ៉ាក់សាំង AstraZeneca របស់ក្រុមហ៊ុនថៃ Siam Bioscience ត្រូវបានបញ្ជាក់ និងដាក់បញ្ចូលក្នុងបញ្ជីប្រើប្រាស់បន្ទាន់របស់ WHO កាលពីថ្ងៃទី១១ ខែតុលា ហើយ។
ដោយក្នុងលិខិតនោះបានសរសេរថា វ៉ាក់សាំងនេះត្រូវបានត្រួតពិនិត្យដោយអង្គការសុខភាពពិភពលោក (WHO) និងរដ្ឋបាលផលិតឱសថអូស្ត្រាលីដែ លជាអាជ្ញាធរគ្រប់គ្រងវ៉ាក់សាំង រួចរាល់ហើយ៕
ប្រភព៖ Bangkok Post