ញ៉ូវដេលី៖ ប្រទេសឥណ្ឌា បានចាប់ផ្តើមនាំចេញវ៉ាក់សាំងការពារជំងឺកូវីដ-១៩ របស់ខ្លួនសារជាថ្មីឡើងវិញ ប៉ុន្តែនៅក្នុងចំនួនបន្តិចបន្តួចប៉ុណ្ណោះ ហើយគ្រោងនឹងបង្កើនការនាំចេញបន្ថែមទៀតក្នុងរយៈពេល ២-៣ ខែខាងមុខនេះ ស្របពេលដែលស្តុកវ៉ាក់សាំងនៅក្នុងស្រុកមានច្រើន ខណប្រជាជនភាគច្រើនរបស់ខ្លួន បានចាក់វ៉ាក់សាំងរួចរាល់។.ភ្នំពេញថ្មី
ស្ថានទូតឥណ្ឌាប្រចាំនៅទីក្រុងតេហេរ៉ង់ បាននិយាយថា វ៉ាក់សាំង Covaxin ចំនួន ១ លានដូស ដែលផលិតដោយក្រុមហ៊ុនឥណ្ឌា Bharat Biotech ត្រូវបានផ្ដល់ជូនទៅកាន់ប្រទេសអ៊ីរ៉ង់រួចហើយ កាលពីសប្តាហ៍មុននេះ។ ទីភ្នាក់ងាររដ្ឋាភិបាល បានឲ្យដឹងថា វ៉ាក់សាំងក៏ត្រូវបានផ្ដល់ទៅកាន់ប្រទេសនេប៉ាល់ផងដែរ ហើយបន្ថែមទៀតថា កិច្ចខិតខំប្រឹងប្រែងនេះ គឺផ្តោតសំខាន់តែលើប្រទេសជិតខាងជាមុនសិន។
ទីភ្នាក់ងារដដែល បានបន្តថា រហូតមកដល់ពេលនេះ វ៉ាក់សាំងប្រហែល ៤ លានដូស ត្រូវបាននាំចេញ ដែលជាចំនួនតិចមួយ សមាមាត្រទៅនឹងកម្មវិធីការទូតវ៉ាក់សាំងដែលរដ្ឋាភិបាលរបស់នាយករដ្ឋមន្ត្រីឥណ្ឌាលោក Narendra Modi ដែលគ្រោងនឹងចាប់ផ្តើមនៅឆ្នាំនេះ ប៉ុន្តែដោយសាររលកទី ២ នៃជំងឺកូវីដ ១៩ បានផ្ទុះឡើង ធ្វើឲ្យរដ្ឋាភិបាលបង្ខំចិត្តឲ្យបញ្ឈប់កម្មវិធីនេះតែម្ដង៕
ប្រភព៖ Reuter NEWS
