ខេត្តបន្ទាយមានជ័យ ៖ នៅព្រឹកថ្ងៃទី១៨ ខែតុលា ឆ្នាំ២០២១ លោក គាត ហ៊ុល អភិបាលក្រុងប៉ោយប៉ែត ដឹកនាំក្រុមការងារ ក្រុង សង្កាត់ កងកម្លាំងចម្រុះបានចុះពិនិត្យស្ថានភាពទឹក និងបានយកគ្រឿងចក្រធ្វើការកាយបើកមុខទឹកដើម្បីបញ្ជៀសការរជន់លិចទីតាំងវត្តអារាម សាលារៀន និងលំនៅដ្ឋានប្រជាពលរដ្ឋក្នុងភូមិសុខសាន្ត សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។
ដោយពិនិត្យឃើញ ស្ថានភាពទឹក បន្តកើនឡើងដោយសារមានភ្លៀងធ្លាក់ជាបន្តបន្ទាប់ លោក គាត ហ៊ុល អភិបាលក្រុងប៉ោយប៉ែត ក៏ បានអំពាវនាវដល់បងប្អូនប្រជាពលរដ្ឋដែលមានលំនៅដ្ឋានតាមតំបន់ទំនាបសូមមានការប្រុងប្រយ័ត្នខ្ពស់ ត្រូវតាមដានស្ថានភាពទឹកឲបានជាប់ជាប្រចាំ ជាពិសេសត្រូវយកចិត្តទុកដាក់ចំពោះក្មេងៗ ត្រូវពិនិត្យតាមជុំវិញផ្ទះ និងប្រយ័ត្នចំពោះសត្វអសិរពិសផ្សេងៗជៀសវាងគ្រោះថ្នាក់ណាមួយជាយថាហេតុ ៕