ខេត្តរតនគិរី÷ នៅព្រឹកថ្ងៃទី៥ ខែវិច្ឆិកា ឆ្នាំ២០២១ រដ្ឋបាលខេត្តរតនគីរី បានបើកកិច្ចប្រជុំសាមញ្ញរបស់ក្រុមប្រឹក្សាខេត្តលើកី២៩ អាណត្តិទី៣ ក្រោមអធិបតីភាពលោក ណាប់ ប៊ុនហេង ប្រធានក្រុមប្រឹក្សាខេត្ត លោក ញ៉ែម សំអឿន អភិបាលខេត្ត និងមានវត្តមានលោក លោកជំទាវ សមាជិក សមាជិកាក្រុមប្រឹក្សាខេត្ត លោក លោកជំទាវជាអភិបាលរងខេត្ត ប្រធាន អនុប្រធានមន្ទីរអង្គភាព មេបញ្ជាការកងកម្លាំងប្រដាប់អាវុធទាំង៣ លោកនាយក នាយករងរដ្ឋបាលសាលាខេត្ត។
កិច្ចប្រជុំនេះមានរបៀបវារៈដូចខាងក្រោម
១. បើកកិច្ចប្រជុំ
២. ពិនិត្យកូរ៉ុម
៣. ពិនិត្យ ពិភាក្សា និងអនុម័ត សេចក្ដីព្រាង កំណត់ហេតុកិច្ចប្រជុំសាមញ លើកទី២៨ របស់ក្រុមប្រឹក្សាខេត្ត
៤. ពិនិត្យ ពិភាក្សា និងអនុម័ត សេចក្ដីព្រាង របាយការណ៍ ស្ដីពីការអនុវត្តការងាររបស់រដ្ឋបាលខេត្ត ប្រចាំខែតុលានិងលើកទិសដៅការងារ ប្រចាំខែវិច្ឆិកា របស់រដ្ឋបាលខេត្ត
៥. ពិនិត្យ ពិភាក្សា និងអនុម័ត សេចក្ដីព្រាងរបាយការណ៍ត្រីមាសទី៣ និងលើកទិសដៅការងារត្រីមាសទី៤ ឆ្នាំ២០២១ របស់រដ្ឋបាលខេត្ត
៦. ផ្សេងៗ
៧. បូកសរុបលទ្ធផល និងបិទអង្គប្រជុំ៕