អាប៊ូចា៖ សិស្សសាលាយ៉ាងហោចណាស់ចំនួន ២៦ នាក់ត្រូវបានសម្លាប់ នៅក្នុងហេតុការណ៍នៃការឆាបឆេះថ្នាក់រៀនដែលសាងសង់ឡើងពីចំបើង និងឈើ នៅភាគខាងត្បូង ប្រទេសនីហ្សេរីយ៉ា។ នេះបើយោងតាមការបញ្ជាក់របស់អភិបាលនៅក្នុងតំបន់នោះ។
លោក Chaibou Aboubacar អភិបាលក្រុង Maradi (.ភ្នំពេញថ្មី.) បាននិយាយថា អ្នកស្លាប់ទាំងអស់មានចំនួន ២៦ នាក់ និង ១៣ នាក់បានរងរបួស ដោយក្នុងនោះ ៤ នាក់ផ្សេងទៀតបានរងរបួសធ្ងន់ ហើយពួកគេទាំងនោះភាគច្រើន គឺមានអាយុចន្លោះពី ៥ ទៅ ៦ ឆ្នាំ។ លោក បន្តថា អគ្គីភ័យគឺងាយនឹងឆាបឆេះគឺជារឿងធម្មតាទៅហើយ ព្រោះដោយសារតែបន្ទប់ ឬថ្នាក់រៀនរបស់ពួកគេសាងសង់ឡើងពីចំបើង និងសំបកឈើ ដែលងាយនឹងឆាបឆេះបំផុត ប៉ុន្តែវាកម្របណ្តាលឲ្យមានសិស្សស្លាប់ និងរបួសច្រើនដូច្នេះ នាពេលកន្លងមក។
គួរបញ្ជាក់ថា ប្រទេសនីហ្សេរីយ៉ា គឺជាប្រទេសដែលក្រីក្របំផុតមួយក្នុងពិភពលោក ហើយបានព្យាយាមជួសជុលកង្វះខាតអគារសិក្សា ដោយត្រូវសាងសង់ឡើងពីចំបើង និងសំបកឈើរាប់ពាន់បន្ទប់ ដោយពេលខ្លះសិស្សត្រូវអង្គុយរៀននៅលើដីផ្ទាល់ផងដែរ៕
ប្រភព៖ ALJAZEERA NEWS