ខេត្តពោធិ៍សាត់ ៖ ប្រភពពីភ្នាក់ងារប្រចាំខេត្តពោធិសាត់បានឲ្យដឹងថា នៅវេលាម៉ោងជាង៨យប់ថ្ងៃទី១០ ខែវិច្ឆិកា ឆ្នាំ២០២១ មានករណីឃាតកម្មមួយបានកើតទ្បើង ដោយជនមិនស្គាល់មុខបានយកកាំបិតកាប់ជាច្រើនកាំបិតទៅលើ មន្ត្រីរដ្ឋបាលព្រៃឈើស្រុកវាលវែង ខេត្តពោធិ៍សាត់បណ្តាលឲ្យស្លាប់នៅក្នុងបន្ទប់នៃស្នាក់ការរដ្ឋបាលព្រៃឈើស្រុកវាលវែង។
សមត្ថកិច្ចសន្និដ្ឋានថាករណីនេះជាអំពើប្លន់យកទ្រព្យសម្មត្តិឬគំនំ ខណដែលជនរងគ្រោះបានបាត់បង់សម្ភារៈមួយចំនួនរួមមាន៖ម៉ូតូដ្រីមស៊េរី២០១៩មួយគ្រឿង ទូរសព្ទ័ដៃអាយហ្វូន៣គ្រឿងនិងចិញ្ចៀនពេជ្រមួយវង់។ក្រោយធ្វើសកម្មភាព ជនសង្សយ័បានរត់គេចខ្លួនបាត់។
សូមជម្រាបម្តងទៀតថា ហេតុការណ៍នេះ បង្កឱ្យមានការភ្ញាក់ផ្អើលខាងលើនេះ កើតទ្បើង កាលពីវេលាម៉ោងជាង៨ យប់ថ្ងៃទី១០ ខែវិច្ឆិកា ឆ្នាំ២០២១ នៅក្នុងទីស្នាក់ការរដ្ឋបាលព្រៃឈើស្រុកវាលវែង នៅចំណុចទួលគ្រួស ស្ថិតក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់។
ចំណែក ជនរងគ្រោះឈ្មោះ សេង វិសាល អាយុ៥២ឆ្នាំ មុខរបរមន្ត្រីរដ្ឋបាលព្រៃឈើស្រុកវាលវែង មានទីលំនៅភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់៕