វ៉ាស៊ីនតោន៖ សហភាពអឺរ៉ុប បានសម្រេចដាក់ទណ្ឌកម្មថ្មីមួយទៀត ដើម្បីប្រឆាំងនឹងរដ្ឋាភិបាលបេឡារុស ដោយចោទប្រកាន់ថាបានជំរុញឱ្យមានវិបត្តិជនចំណាកស្រុក និងជនភៀសខ្លួនរាប់ពាន់នាក់ជាប់គាំងនៅក្នុងព្រៃដ៏ត្រជាក់នៅតាមព្រំដែនរបស់ខ្លួនជាមួយសហភាពអឺរ៉ុប។
បេឡារុស ត្រូវបានរងការចោទប្រកាន់ពីសហភាពអឺរ៉ុបថា បានជំរុញឲ្យជនចំណាកស្រុក និងជនភៀសខ្លួនតាមបណ្ដោយព្រំដែនរបស់ខ្លួននឹងសហភាពអឺរ៉ុបឲ្យភៀសខ្លួនទៅប្រទេសលោកខាងលិចទាំងអស់ មិនឲ្យចូលប្រទេសខ្លួន ដោយចង់សងសឹកសហភាពអឺរ៉ុបជុំវិញរឿងទណ្ឌកម្មពីមុន ខណដែលបេឡារុសបានច្រានចោលការចោទប្រកាន់នេះទាំងស្រុងតែម្ដង។
គួរបញ្ជាក់ថា អ្នកស្វែងរកសិទ្ធិជ្រកកោន ដែលភាគច្រើនមកពីប្រទេសអ៊ីរ៉ាក់ និងអាហ្វហ្គានីស្ថាន បានចាប់ផ្តើមមកដល់ទឹកដីនៃប្រទេសបេឡារុស ជាប់ព្រំដែនជាមួយសហភាពអឺរ៉ុប នៅឆ្នាំនេះ ដោយពួកគេទាំងអស់នោះបានព្យាយាមឆ្លងចូលទៅក្នុងរដ្ឋសមាជិកលីទុយអានី ឡាតវី និងប៉ូឡូញ តាមរយៈផ្លូវសម្ងាត់មួយ៕
ប្រភព៖ ALJAZEERA NEWS