កីឡា ៖ ក្រុមញញួរធំ West Ham និយាយថា ពួកគេ “ភ្ញាក់ផ្អើល និងខកចិត្ត” ចំពោះការសម្រេចចិត្តរបស់ UEFA ក្នុងការហាមឃាត់អ្នកគាំទ្រមិនឱ្យចូលរួមទស្សនាការប្រកួត Europa League ក្រៅដីរបស់ពួកគេជាមួយនឹងក្រុម Rapid Vienna ។
ក្រុមញញួរធំត្រូវបានចោទប្រកាន់ បន្ទាប់ពីការស្មើ ២-២ ជាមួយនឹង Genk ក្នុងប្រទេសបែលហ្ស៊ិកកាលពីថ្ងៃទី ៤ ខែវិច្ឆិកា។ ស្ថាប័នគ្រប់គ្រងបាល់ទាត់អឺរ៉ុបបានចោទប្រកាន់អ្នកគាំទ្រក្រុមភ្ញៀវពីការរំខាន និងការគប់របស់ក្នុងអំឡុងពេលការប្រកួតនៅក្នុងប្រទេសបែលហ្ស៊ិក។
ការចោទប្រកាន់ទាំងនោះត្រូវបានតម្កល់ ហើយក្លិបត្រូវបានផាកពិន័យក្រោម ២៥,៥០០០ ផោន សម្រាប់ការរំខានទាំងនោះ និង ៣,៨១៧ ផោនផ្សេងទៀតសម្រាប់ការគប់វត្ថុក្នុងការប្រកួតដូចគ្នា ហើយអ្នកគាំទ្រនៅក្រុមភ្ញៀវនឹងមិនអាចចូលរួមការប្រកួតជាមួយ Rapid Vienna នៅថ្ងៃទី ២៥ ខែវិច្ឆិកា ទោះបីជាមានអ្នកខ្លះទិញសំបុត្ររួចហើយក៏ដោយ។
យ៉ាងណាមិញជុំវិញបញ្ហានេះ West Ham កំពុងស្វែងរកការបំភ្លឺពី UEFA ជាបន្ទាន់ ជាពិសេសការជូនដំណឹងខ្លីបំផុតនៃទណ្ឌកម្ម ដែលនឹងប៉ះពាល់ដល់អ្នកគាំទ្របានទិញសំបុត្ររួចហើយ និងរៀបចំការធ្វើដំណើរទៅកាន់ប្រទេសអូទ្រីស៕