កីឡា ៖ ក្រុមហង្សក្រហម Liverpool បានបង្ហើបថាខ្សែបម្រើ Curtis Jones នឹងត្រូវអវត្តមានជាច្រើនសប្តាហ៍ជាមួយនឹងរបួសភ្នែកមុនពេលសម្រាកអន្តរជាតិ។
Jones បានរងរបួសអំឡុងពេលប៉ះទង្គិចគ្នាដោយចៃដន្យក្នុងការហ្វឹកហាត់ ហើយក្រោយមកត្រូវបានដកចេញពីការប្រកួតរបស់ Liverpool ទល់នឹង Atletico Madrid និង West Ham។
សេចក្តីថ្លែងការណ៍របស់ក្លិបបញ្ជាក់ថា៖«ការធ្វើរោគវិនិច្ឆ័យបន្ថែមទៀតបានបញ្ជាក់ថា Jones នឹងសម្រាកយ៉ាងហោចណាស់ ២-៣ សប្តាហ៍ទៀតនៅពេលដែលរូបគេជាសះស្បើយពីបញ្ហាដែលជាក់លាក់ចំពោះភ្នែក និងប្រអប់ភ្នែក»៕
