កាប៊ុល៖ ក្រុមតាលីបង់ បានអំពាវនាវឱ្យសមាជិកសភាសហរដ្ឋអាមេរិកឲ្យប្រគល់ទ្រព្យសម្បត្តិរបស់អាហ្វហ្គានីស្ថានដែលត្រូវបានបង្កកបន្ទាប់ពីការកាន់កាប់ប្រទេសកាលពីខែ សីហារបស់ពួកគេ មកឲ្យអាហ្វហ្គានីស្ថានវិញ។
នៅក្នុងលិខិតបើកចំហមួយ កាលពីថ្ងៃ ពុធ រដ្ឋមន្ត្រីក្រសួងការបរទេសតាលីបង់ លោក Amir Khan Muttaqi បាននិយាយថា បញ្ហាប្រឈមដ៏ធំបំផុតដែលប្រទេសអាហ្វហ្គានីស្ថានកំពុងជួប នាពេលបច្ចុប្បន្ននេះ គឺភាពអសន្តិសុខផ្នែកហិរញ្ញវត្ថុ ហើយយើងសង្ឃឹមថា ទ្រព្យសម្បត្តិរបស់អាហ្វហ្គានីស្ថានដែលត្រូវបានបង្កកទុកនៅក្រៅប្រទេសទាំងប៉ុន្មាន រដ្ឋាភិបាលអាមេរិក ក៏ដូចជាសមាគមន៍អន្តរជាតិផ្សេងៗដែលពាក់ព័ន្ធនឹងប្រគល់វាមកឲ្យអាហ្វហ្គានីស្ថានវិញផងដែរ។
ទីក្រុង វ៉ាស៊ីនតោន បានរឹបអូសទ្រព្យសម្បត្តិជិត ៩,៥ ពាន់លានដុល្លារដែលជាកម្មសិទ្ធិរបស់ធនាគារកណ្តាលអាហ្វហ្គានីស្ថាន ចាប់តាំងពីក្រុមតាលីបង់បានឡើងកាន់អំណាចមក។
ដោយឡែក កាលពីខែ តុលា អនុរដ្ឋមន្ត្រីក្រសួងធនាគារសហរដ្ឋអាមេរិក លោក Wally Adeyemo (.ភ្នំពេញថ្មី.) បាននិយាយថា លោកបានមើលឃើញថា ក្រុមតាលីបង់ ហាក់មិនមានលទ្ធភាព ក៏ដូចជាចំណុចវិជ្ជមានណាមួយឡើយ ក្នុងការប្រើប្រាស់ប្រាក់ និងទ្រព្យសម្បត្តិទាំងអស់នេះទេ។
ទន្ទឹមនោះ សេដ្ឋកិច្ចអាហ្វហ្គានីស្ថានដែលពឹងផ្អែកលើប្រទេសជាជំនួយក៏ត្រូវបានដួលរលំ ដោយមន្ត្រីរាជការគ្មានប្រាក់ខែ និងប្រាក់ចំណូល៕
ប្រភព៖ ALJAZEERA NEWS
