បាងកក៖ បុរសជនជាតិថៃម្នាក់ អាយុ ២៦ ឆ្នាំ បានស្លាប់ក្នុងផ្ទះរបស់ខ្លួន នៅក្នុងស្រុក Muang កាលពីថ្ងៃ អង្គារ បន្ទាប់ពីចាក់វ៉ាក់សាំងការពារជំងឺកូវីដ-១៩ប្រភេទ Moderna របស់ក្រុមហ៊ុនអាមេរិក។
មន្ត្រីប៉ូលីស បានបញ្ជាក់ថា ជនរងគ្រោះមានឈ្មោះ Sithipol Bovornkittipaisal (.ភ្នំពេញថ្មី.) អាយុ ២៦ ឆ្នាំ ដេកស្លាប់នៅក្នុងផ្ទះរបស់ខ្លួន ដោយគ្មានរបួសស្នាម អ្វីទាំងអស់។
ទន្ទឹមនោះ ម្តាយរបស់ជនរងគ្រោះ បាននិយាយថា កូនប្រុសរបស់គាត់បានទៅទទួលការចាក់វ៉ាក់សាំងការពារជំងឺកូវីដ ១៩ ប្រភេទ Sinovac ដូសទី ១ កាលពីដើមខែ កញ្ញា បន្ទាប់មកទៅចាក់វ៉ាក់សាំងប្រភេទ Moderna ដូសទី ២ នៅមន្ទីរពេទ្យ Synphaet Theparak កាលពីថ្ងៃ អង្គារ ហើយបានត្រឡប់មកផ្ទះវិញ ដោយមិនមានអាការៈអ្វីប្លែកនោះទេ។
លោកស្រី បន្តថា នៅប៉ុន្មានម៉ោងក្រោយមកគេចាប់ផ្ដើមចុកទ្រូងខ្លាំង និងពិបាករកដង្ហើម ហើយភ្លាមៗ នោះលោកស្រី បានតេទៅឡានពេទ្យ ដើម្បីសង្គ្រោះគេ នៅពេលពេទ្យមកដល់បានប្រើឧបករណ៍ឆក់បេះដូង ប៉ុន្តែនៅតែមិនអាចសង្គ្រោះគេបានដដែល។
គួរបញ្ជាក់ថា សាកសពត្រូវបានយកទៅធ្វើកោសល្យវិច័យ គឺរកឃើញថា ពិតជាស្លាប់ ដោយសារវ៉ាក់សាំងពិតមែន៕