កីឡា ៖ ខ្សែប្រយុទ្ធ Billy Ketkeophomphone វ័យ៣១ឆ្នាំនឹងចូលរួមជាមួយក្រុមជម្រើសជាតិឡាវ សម្រាប់ព្រឹត្តិការណ៍ AFF Suzuki Cup ដែលប្រព្រឹត្តទៅចាប់ពីថ្ងៃទី៥ ខែធ្នូ ឆ្នាំ២០២១ ដល់ថ្ងៃទី០១ ខែមករា ឆ្នាំ ២០២២ ។
កីឡាករ Billy កើតនៅសង្កាត់ Champigny-sur-Marne នៃប្រទេសបារាំង ប៉ុន្តែមានឪពុកម្តាយជាជនជាតិឡាវ។
នៅថ្ងៃទី១៦ ខែមិថុនា ឆ្នាំ២០១៥ កីឡាករ Ketkeophomphone បានចុះហត្ថលេខាលេងឲ្យក្លិប Angers SCO។ រូបគេគឺជាកីឡាករបាល់ទាត់ដំបូងគេក្នុងតំបន់អាស៊ាន ដែលបានលេងក្នុងលីគកំពូលបារាំង Ligue1 ។ប៉ុន្តែនៅក្នុងរដូវកាល ២០២១ គាត់បានលេងឱ្យ USL Dunkerque នៅ Ligue 2 របស់ប្រទេសបារាំង។
សូមជម្រាបថា សម្រាប់ព្រឹត្តិការណ៍ខាងលើ ក្រុមជម្រើសជាតិឡាវ ស្ថិតនៅពូល B ដោយរួមមាន កម្ពុជា វៀតណាម ម៉ាឡេស៊ី និង ឥណ្ឌូនេស៊ី៕
