ខេត្តកំពង់ធំ ៖ លោក ងួន រតនៈ អភិបាល ខេត្តកំពង់ធំ កាលពីម្សិលមិញ បានដឹកនាំក្រុមការងារមន្ត្រីជំនាញនៃមន្ទីររៀបចំដែនដី នគរូបនីយកម្ម សំណង់ និង សុរិយោដីខេត្ត មន្ត្រីជលផល មន្ត្រីធនធានទឹក និងអាជ្ញាធរមូលដ្ឋាន ចុះវាស់វែង និងផ្ទៀងផ្ទាត់បង្គោលព្រំដីតំបន់ព្រៃលិចទឹក ជាប់បឹងទន្លេសាប តំបន់៣ ក្នុងភូមិសាស្ត្រខេត្តកំពង់ធំ ដើម្បីកំណត់ព្រំក្បាលដី និងដកហូតយកដីមកវិញ ត្រៀមចុះបញ្ជីដីតំបន់៣ ជាដីរបស់រដ្ឋ។
ក្នុងបេសកកម្មចុះពិនិត្យមើលស្ថានភាពជាក់ស្ដែងនោះ ថ្នាក់ដឹកនាំក្រសួង រួមជាមួយ លោក អភិបាលខេត្តកំពង់ធំ បានរៀបចំកម្លាំងប្រដាប់អាវុធចម្រុះ និងមន្ត្រីខេត្ត មន្ត្រីជំនាញ ប្រចាំការជាប់ នៅគោលដៅនេះ ដើម្បីទប់ស្កាត់ បង្ក្រាប់បទល្មើសនានា ការកាប់ទន្ទ្រានថ្មីដីព្រៃលិចទឹក បន្ថែមទៀត៕
