បាងកក ៖ ប្រទេសថៃបានរកឃើញករណីឆ្លងដំបូងនៃវីរុស បម្លែងខ្លួនថ្មី Omicron លើពលរដ្ឋអាមេរិក ម្នាក់ ដែលបានធ្វើដំណើរមកពីប្រទេសអេស្ប៉ាញ កាលពីចុងខែមុន ។នេះបើយោងតាមប្រភពពីមន្ត្រីសុខភាពបាននិយាយនៅថ្ងៃច័ន្ទនេះ។
លោកវេជ្ជបណ្ឌិត Opas Karnkawinpong នាយកក្រសួងគ្រប់គ្រងជំងឺ បានប្រាប់សន្និសីទសារព័ត៌ថា ករណីឆ្លងដំបូងត្រូវបានបញ្ជាក់លើបុរសម្នាក់ ដែលបានមកដល់កាលពីថ្ងៃទី២៩ខែវិច្ឆិកា ដែលធ្វើឲ្យប្រទេសថៃក្លាយជាប្រទេសទី៤៧ ដែលបានរកឃើញវីរុសបម្លែងខ្លួនថ្មីនេះ ។
លោកវេជ្ជបណ្ឌិត Opas បាននិយាយថា ករណីឆ្លងដំបូង នៃវីរុសបម្លែងខ្លួនថ្មីនេះ គឺលើបុរសវ័យ ៣៥-ឆ្នាំ ជាពលរដ្ឋអាមេរិក ដែលបានរស់នៅក្នុងប្រទេសអេស្ប៉ាញរយៈពេលជាង ១ឆ្នាំមកហើយ ដោយលោក បន្ថែមថា អ្នកជំងឺមានរោគសញ្ញាស្រាល។
គួរបញ្ជាក់ថា ប្រទេសថៃបានហាមប្រាមអ្នកធ្វើដំណើរមកពីប្រទេសអាហ្វ្រិកចំនួន៨ប្រទេសរួមមាន Botswana, Eswatini, Lesotho, Malawi, Mozambique, Namibia, South Africa និង Zimbabwe នៅដើមខែធ្នូ ចំពេលមានការព្រួយបារម្ភពីវីរុសបម្លែងខ្លួនថ្មី Omicron នេះ៕