ឡុងដ៍៖ ចក្រភពអង់គ្លេស បានអនុវត្តការហាមឃាត់លើការនាំចូលឧស្ម័នធម្មជាតិរាវ (LNG) របស់រុស្ស៊ី ដែលបានចូលជាធរមាន នៅថ្ងៃទី ១ ខែមករា ឆ្នាំ ២០២៣ ។ នេះបើយោងតាមការបង្ហោះនៅលើ Twitter របស់ការិយាល័យការបរទេស Commonwealth និងអភិវឌ្ឍន៍។
ការិយាល័យនេះ បានប្រកាសពីផែនការបញ្ឈប់ការទទួលយកការផ្គត់ផ្គង់ LNG របស់រុស្ស៊ី តាំងពីចុងខែតុលា ហើយទើបតែចូលជាធរមាន នៅដើមឆ្នាំនេះ ខណវិធានការនេះ មានគោលបំណងជួយទីក្រុងឡុងដ៍ ក្នុងការកាត់បន្ថយការពឹងផ្អែកលើថាមពលរុស្ស៊ី។
ការិយាល័យដដែល បានបន្ថែមថា ចក្រភពអង់គ្លេស កំពុងគាំទ្រប្រទេសនានាជុំវិញពិភពលោក ក្នុងការកាត់បន្ថយការពឹងផ្អែកលើឥន្ធនៈហ្វូស៊ីលរបស់រុស្ស៊ី ផងដែរ៕