វ៉ាស៊ីនតោន៖ អ្នកនាំពាក្យក្រសួងការបរទេសអាមេរិក លោក Ned Price បាននិយាយថា អ៊ុយក្រែន នឹងសម្រេចចិត្តដោយខ្លួនឯងថាតើត្រូវបញ្ឈប់ការបាញ់ប្រហារ ដើម្បីជាការឆ្លើយតបទៅនឹងបទឈប់បាញ់ថ្ងៃបុណ្យណូអែលដែលប្រកាសដោយប្រទេសរុស្ស៊ី ឬយ៉ាងណា។
លោក បានកត់សម្គាល់ថា រាល់បទឈប់បាញ់ទាំងនេះគឺជាការសម្រេចចិត្តដែលអ៊ុយក្រែន នឹងត្រូវធ្វើដោយខ្លួនឯង គ្មានការលូកដៃពីនរណាទាំងអស់។
គួរបញ្ជាក់ថា កងកម្លាំងប្រដាប់អាវុធរុស្ស៊ី បានប្រកាសបទឈប់បាញ់នាថ្ងៃបុណ្យណូអែល នៅតាមតំបន់ជួរមុខទាំងអស់ក្នុងប្រទេសអ៊ុយក្រែន។ ប៉ុន្តែអាជ្ញាធរអ៊ុយក្រែន បានបដិសេធចំពោះគំនិតនេះ៕
