សេអ៊ូល៖ ទីភ្នាក់ងារព័ត៌មាន Yonhap បានរាយការណ៍ កាលពីថ្ងៃអាទិត្យ ដោយដកស្រង់ប្រភពពីក្រសួងការពារជាតិថា ប្រទេសកូរ៉េខាងត្បូង កំពុងពិចារណាបញ្ជាទិញប្រព័ន្ធស្ទាក់ចាប់យន្តហោះគ្មានមនុស្សបើក Sky Spotter ពីអ៊ីស្រាអែល។
របាយការណ៍ដដែល បន្ថែមថា យោធាកូរ៉េខាងត្បូង គ្រោងនឹងសម្រេចចិត្តថាតើត្រូវស្នើសុំជាផ្លូវការនូវការទិញប្រព័ន្ធនេះ បន្ទាប់ពីការពិនិត្យឡើងវិញដែលនឹងកំណត់ក្នុងប៉ុន្មានសប្តាហ៍ខាងមុខនេះ ខណផែនការនេះមានគោលបំណងក្នុងការទប់ទល់នឹងការគំរាមកំហែងដោយយន្តហោះគ្មានមនុស្សបើករបស់កូរ៉េខាងជើង។
ប្រព័ន្ធស្ទាក់ចាប់នេះ គឺផលិតដោយក្រុមហ៊ុន Rafael Advanced Defense Systems Sky Spotter ដែលត្រូវបានរចនាឡើងសម្រាប់ការស្កេនរក និងតាមដានវត្ថុលើអាកាសដូចជាយន្តហោះគ្មានមនុស្សបើកជាដើម៕