ស្តុកហូម៖ នាយករដ្ឋមន្ត្រីស៊ុយអែត លោក Ulf Kristersson បាននិយាយ កាលពីថ្ងៃអាទិត្យថា ប្រទេសស៊ុយអែត ជឿថា តួកគី នឹងយល់ព្រមលើសំណើសុំចូលជាសម្ព័ន្ធមិត្តយោធាណាតូរបស់ខ្លួន ប៉ុន្តែបានបដិសេធមិនបំពេញតាមលក្ខខណ្ឌទាំងអស់ដែលទីក្រុងអង់ការ៉ា បានកំណត់សម្រាប់ការចូលរួមក្នុងប្លុកនេះទេ។
នាយករដ្ឋមន្ត្រីរូបនេះ បានប្រាប់សន្និសីទការពារជាតិនៅប្រទេសស៊ុយអែតថា ប្រទេសតួកគី បានបញ្ជាក់ថា ពួកគេបានធ្វើនូវអ្វីដែលពួកគេនឹងធ្វើ។
ប្រទេសហ្វាំងឡង់ និងស៊ុយអែត បានចុះហត្ថលេខាលើកិច្ចព្រមព្រៀង ៣ ផ្លូវជាមួយប្រទេសតួកគី ក្នុងឆ្នាំ ២០២២ ដើម្បីបញ្ចៀសពីការជំទាស់របស់ទីក្រុងអង់ការ៉ា ចំពោះសមាជិកភាពរបស់ប្រទេសទាំង ២ នៃអង្គការសន្ធិសញ្ញាអាត្លង់ទិកខាងជើង។
គួរបញ្ជាក់ថា ប្រទេសទាំង ២ បានដាក់ពាក្យស្នើសុំ កាលពីខែឧសភា ក្នុងការចូលរួមជាមួយអង្គការណាតូ ដើម្បីប្រឆាំងនឹងការឈ្លានពានរបស់រុស្ស៊ី លើអ៊ុយក្រែន ប៉ុន្តែរដ្ឋាភិបាលតួកគី បានជំទាស់ និងចោទប្រកាន់ប្រទេសទាំង ២ ពីបទគាំទ្រក្រុមសកម្មប្រយុទ្ធ រួមទាំងមកពីគណបក្សពលករឃឺដ ដែលមិនស្របច្បាប់៕