កាប៊ុល៖ រដ្ឋាភិបាលតាលីបង់ បានចុះហត្ថលេខាលើកិច្ចព្រមព្រៀងប្រេងដែលនឹងរកកម្រៃជាមួយក្រុមហ៊ុន Xinjiang Central Asia Petroleum and Gas Company (CAPEIC) របស់ប្រទេសចិន។
Bloomberg បានរាយការណ៍ថា កិច្ចព្រមព្រៀងនេះ បង្ហាញថាការវិនិយោគរបស់ចិន ចំនួន ១៥០ លានដុល្លារក្នុងមួយឆ្នាំ ហើយនឹងកើនឡើងដល់ ៥៤០ លានដុល្លារក្នុងរយៈពេល ៣ ឆ្នាំ ដែលនឹងផ្តល់ការងារសម្រាប់ប្រជាជនអាហ្វហ្គានីស្ថាន ប្រហែល ៣,០០០ នាក់។
គួរបញ្ជាក់ថា នេះគឺជាកិច្ចព្រមព្រៀងលើកដំបូងសម្រាប់រដ្ឋាភិបាលតាលីបង់ ចាប់តាំងពីការវិលត្រឡប់មកកាន់អំណាចនៅឆ្នាំ ២០២១ ស្របពេលប្រទេសអាហ្វហ្គានីស្ថាន ត្រូវបានគេគិតថា កំពុងមានធនធានធម្មជាតិតម្លៃជាង ១ ពាន់ពាន់លានដុល្លារ រួមទាំងឧស្ម័នធម្មជាតិ ប្រេង ទង់ដែង និងលោហៈកម្រ៕