វ៉ាស៊ីនតោន៖ អនុរដ្ឋមន្ត្រីការពារជាតិទទួលបន្ទុកគោលនយោបាយលោក Colin Kahl បាននិយាយថា រដ្ឋបាលអាមេរិក គិតថា នេះមិនមែនជាពេលវេលាសមស្របក្នុងការផ្គត់ផ្គង់រថក្រោះ Abrams ដល់កងទ័ពអ៊ុយក្រែននោះទេ។
លោក បានសង្កត់ធ្ងន់ថា អាមេរិក មិនទាន់ត្រៀមខ្លួនរួចរាល់ក្នុងការបញ្ជូនរថក្រោះ Abrams ទៅឲ្យកងកម្លាំងប្រដាប់អាវុធអ៊ុយក្រែន នោះទេ។ Reuters បានដកស្រង់សម្តីលោក ដោយនិយាយថា ខ្ញុំគិតថានេះមិនមែនជាពេលសមស្របសម្រាប់យើង ហើយរថក្រោះ Abrams គឺជាឧបករណ៍មួយពិបាកក្នុងការប្រើប្រាស់ និងហ្វឹកហាត់។
គួរបញ្ជាក់ថា ចាប់តាំងពីមានសង្គ្រាមជាមួយរុស្ស៊ី មក សហរដ្ឋអាមេរិក បានផ្គត់ផ្គង់នូវសព្វាវុធជាច្រើនដល់អ៊ុយក្រែន ដើម្បីប្រើប្រាស់ជាការការពារខ្លួន៕